他不再熱衷床事

800

不約而同最近有幾個女仔都同我投訴男友無性慾,對她們沒興趣,每次做愛都由她們主動提出,好無癮。就算真的做了,勃起好快就軟,來來回回好幾次,但到最後都無射精。然後問我「係咪佢背住我打得飛機太多?」「係咪佢唔鍾意我?」「係咪佢有第二個?」。

 

大眾傳媒經常都灌輸我們男人這種生物永遠用下體諗嘢,佢地隨時隨地都想搞嘢,成日滿腦子鹹濕思想,而且十個有十個都是性慾強。所以當身邊的他一反常態無興趣時,我們第一個反應都會是「無可能!點解會咁!」。

 

當你事後問他:「點解?你係咪唔鍾意我?」
他通常都會簡單地回答:「唔係,我返完工,攰姐……」

 

其實原因可能就真的那麼簡單,但天性多疑的我們又怎會滿足於那麼平庸的答案。就算表面接受,心裡都會秘密地將疑心無限放大。

 

其實男人同女人一樣都是人,大家都有性慾強和弱,有 mood 和無 mood 的時候。和我們一樣,主導他們性慾的性器官,不是下體,而是腦部。工作壓力,心情好壞都會影響他們對性的慾望。

 

唉……你估下下都要性慾強,佢地唔攰架咩?

 

成日都話要男女平等,爭取女性權益,其實在我們拒絕女性被標籤的同時,亦不應再把男性定型。

 

Follow Vera:
【Instagram】@sallystoy.vera
【Facebook】http://www.facebook.com/sallystoy.vera
【Website】www.sallystoy.com