她買即影即有相紙買上癮,原來為了……

現今手機跟數碼相機拍照都非常方便,隨時隨地都能拍照外,更沒有菲林會用光的煩惱。儘管如此,我女友卻很鍾情近年興起的相機,她幾乎每次約都會將外形笨重,對焦又難的相機帶在身上,還對購買影非常雀躍,購買的慾望甚至遠超於用光的需求。
每次經過旺角信和的「格仔舖」,她總會嚷著要買一至兩盒
「快啲過黎睇吓,呢款新出嫁!不如買黎影吖!」她把臉湊前到鼻子碰到店舖玻璃的距離。
「但係上次買嗰盒都未用晒。」
「用晒先買就太遲啦!」
「但係你連買相機送嗰兩盒原裝都未用晒……」
幾秒後,她就想到了解決辦法。
「至多平時去街影多幾張咪一定用得晒囉!」
離開「格仔舖」時,她手上已拿著新買的兩盒《Minions》。她每次發現有新款的卡通都會買,我已搞不清她是為了而拍照,還是為了拍照而買……總而言之,她已經買成癮!她拿著喜孜孜的模樣,就跟煙民拿著剛買回來的香煙,使勁地將煙盒拍打掌心那種舒坦的表情一樣。
今天是我與她的相識紀念日,跟她吃過晚飯後她故裝神秘地在餐廳拿出一本厚厚的相薄,封面有我跟她的合照,照片下用粉紅色的墨水筆寫上日期,由上年的七月 至 今日。
「個日期係乜意思?寫喺張合照下面,好似我哋出生同死亡日期咁……」
「咩喎~呢個日期係我哋買相機當日啊,你記唔記得?」
「哦~記得!」其實我唔記得……
「嗱~封面呢張相就係買相機之後我哋試相識影嘅,你睇吓你手震搞到幅相鬆郁濛啊。」
「我記得啊,因為我唔慣部相機太重先手震咋!」被她這樣一說,我開始對封面的合照產生印象。
然後她翻開第一頁,開始為照片逐一介紹,我像個患失憶症的病人般愣著點頭。雖然全都是自拍照看不清背景,但我記得相薄頭幾頁都是去旅行時拍的。亦因為大部分都是自拍合照,我對自拍技巧又沒天份,導致我跟她的位置和拍照的角度、距離都大致相同。但在她的講解下,回憶不斷從腦海中湧上來。
翻到最後一頁,我發現最後一格位置沒有放照片。
「咦?點解呢個無相嘅?」正當我抬起頭提出疑問,突然……
「咔嚓」我的臉被閃光燈打個正著。
嗯,我明白為何封面上的日期寫今日了。
Ig:BlueGodZi