advertisement
平日女友活像個軍師一樣,羽扇一揮,就指揮著我的日常生活:
「間房好多塵,抹乾淨啦!」
「樓上裝修,抹完幾日後都係咁大塵,等佢裝修完先一次過抹啦!」
「唔得啊,你有鼻敏感間房唔可以積塵嫁!」
「我都慣啦,出街又吸咁多二手煙,由得我挑戰朝早起身連續打乞嚏次數最多嘅健力士罷啦!」
最後,在女友強權威逼之下,我還是乖乖用濕布把窗台的塵和石灰掃走,清掃時有很多灰塵掉在床上,於是連舊床單跟枕頭套也一拼換掉,又見反正滿身臭汗,順手將書桌跟衣櫃通通抹乾淨,弄了一整個下午。
男生與女生的觀點角度總有不同,女友說:「點解同你去旅行,機票酒店又要我訂,行程仲要我Plan埋,到底你有冇心陪我去嫁?」,男方心諗:「我扔低晒手頭上工作,用晒全年大假陪妳去旅行,去到又係陪妳Shopping,仲想點?」
單是這個問題,就足以成為世間不知多少對情侶吵架的導火線。總有些人會覺得這樣的女朋友纏手纏腳,很煩人,整個生活都被束縛住,更嚴重的甚至會分手收場。
其實想深一層,女友注意到我有鼻敏感,幾星期才來我家一次就留意到窗台滿佈灰塵,會令我鼻敏感惡化才威逼我一定要清理乾淨,當然,無可否認她是個天生的軍師,所以才會指揮我去做而不是她自己動手去抹。
被指指點點會發脾氣嗎?正因為察覺到女友把我看得比她自己更重要,所以不會。
從我開始寫作開始,她每隔幾天就會發一些其他作者寫的文章給我,起初我以為她想給我參考,但其實……
「你睇吓!佢抄你啊!」
我看了看文章,便說:「其實散文來來去去都係講差不多嘢,時事題目會撞好平常啫。」
「我覺得佢係抄你!我留意咗佢好耐!」
又有一次:「睇吓呢篇文,你尋日先寫完,佢又寫!」
「妳咪咁多心啦!我未出名到個個都要抄我啦。」
「哼~我覺得你寫得好過晒佢哋囉!」她嘟著嘴不忿地說。
「知道喇,多謝。」
「咁係啊嘛!」
她總是盲撐著我,關注我生活的大小事。試問這樣的她,又點會嬲得落?
ig:BlueGodZi