港男唔爭氣?

我知,女多男少係香港人口比例的發展趨勢,呢個客觀條件短時間內係無得改變,的選擇少之又少。但睇見近排愈來愈多網上新聞,都顯示不僅條件麻麻,而且人格都有問題,令恨嫁怨氣日深!究竟香仔係咪咁唔先?作為1號,當然要為大家評評理!
寒酸計劃書  $11205完婚

剛決定與男友結婚的在網上發帖抱怨,指男友親筆寫了一個預算僅有萬多元的結婚計劃書,她鬧爆對方「勁cheap」,並張貼男友的寒酸計劃書讓大家評理。
該計劃書的費用包括:婚姻登記($305)、婚紗照連婚紗禮服($2500至$3500)等。而結婚戒指則使用「仿真鑽戒」再加刻字,男友還註明是淘寶貨,售價為$400一對。度蜜月方面就選址台灣,暢遊4至5天,費用為$6000至$7000。所有費用以最高金額計算都只是$11205。男友還在計劃書上寫明不要擺酒、不派請帖、沒有喜餅,以節省金錢。計劃書最後還加上一句「努力供樓吧老婆」。
嘩!真係多謝夾盛惠!結婚從來都應該係豐儉由人,大有大搞,細有細做,用不著搞到咁寒酸。既然不用擺酒,擺明就係兩個人嘅事,兩個人關上房門有商有量咪好囉!無錢又整張咁嘅計劃書,博比人踩咩!要嫌棄的不是寒酸計劃書,而是男事主的腦袋!

西裝友臨結婚 被揭援交
另一位待嫁新娘的故事更淒酸。其男友為專業人士,有次他洗澡時,她發現男友電腦正瀏覽援交網,據網上紀錄男友經常光顧那些援交少女。樓主在情緒崩潰下質問男友,他解釋只為發洩壓力,承諾以後不再犯,並送鑽戒道歉。加上男友家人早已認定樓主為新抱,未來老爺近期發現患有癌症,為鼓勵兩人早日結婚願送上置業首期,若現時分手,勢令老人家傷心,故她十分為難。
首先,援交成癮係咪要睇醫生先?現在被揭犯錯了,卻委過於工作壓力,根本就是犯人慣常用的求情技倆,假多過真,你自認咸濕還更有公信力;最後以家人做擋箭牌,說服力更弱。唔遲又唔早,如果個天要在你臨結婚前,讓你知道枕邊人的真面目,女人唔該清醒d諗吓!
蝸居200呎
網上有女生跟男友拍拖五年,男方任程式開發員,月入近兩萬元,兩人有共識拉埋天窗。但事主憂慮:「佢買個層樓得二百呎,都唔知擺到啲咩,我自己又多衫多雜物」,加上她有養狗,認為即使喜歡他也要面對現實云云。事主還問網民,應否等男友換較大單位才下嫁。
嗱,呢個就唔抵幫女人喇!網民問:「嫁人定嫁樓?」也是無可厚非。拍拖5年,早已了解對方的經濟狀況,在香港買到樓上到車已經難上加難,可喜可賀,還嫌細?既然如此,應一起考慮及尋求更適合的居住環境,而不是等嫁入大屋囉!
老老實實,條件好或差都係相對的,最緊要係你自己接受與否,路係人行出嚟,老公都係自己揀!若然香仔唔啱口味,何不試試找外援?
圖片來源:SoCo