貽興︰
My Background: 23, no love experience, 唔算靚，唔係可愛個種，以前大學成日俾人tough 的感覺。雖然佢是我喜歡的類型，但我一直都覺得佢會有女朋友（據我所知應該無），所以當時沒有想太多，但宜家諗返覺得有D 嘢，自己宜家先開始對佢有好感。
他是舊公司的同事（一齊入同一間公司但我好快就走了），跟他單獨相處係因為我地兩個都無飯腳。
第一餐飯都無咩特別，話題都離不開工作同適應，overall 幾gentleman，最深刻的是有人喺街度籌款，佢無捐，但佢好刻意解釋。
佢知我個department 無人陪我食飯，第二日有whatsapp 我話我知要自己食，因為佢要北上工作。第三日，佢有陪我食飯，仲帶咗粒朱古力俾我（唔知係咪諗多咗，佢可能知我嗰陣唔開心）。之後有問我鍾意食第二日嗰間餐廳定係第四日嗰間。
第四日，我地成班新同事一齊去食飯，我總是覺得佢專登坐我隔離。之後第五日，成班新同事一齊去見CEO，佢又好似專登坐我隔離。
之後個個星期都無咩聯絡同見面，可能係個group 度whatsapp，因為我份工做得唔開心，諗緊走，成個人好frustrated、好忐忑不安。其實佢之前話要同我傾下，但我個下好混亂，完全無同佢傾過。
這份工我總共花了12 日，我臨走嗰日先係whatsapp group 度婉轉地講我將會離開，佢即刻單獨whatsapp 我，但話我哋都未傾過，我回應話「做唔成同事可以做朋友」。
佢話臨走時逐個同佢哋道別。最後因為我實在太想離開個間公司，完全唔記得同佢地say goodbye。成件事好似走得好無情。
返了新工都有喺group 度whatsapp，也沒有想太多，直至同friend 講起先覺得有d 嘢，之後我主動whatsapp 佢，嗰日都傾得幾多嘢，但都係問近況多，也有主動關心佢。嗰日佢放工都有whatsapp 我，嗰晚有繼續whatsapp，但之後我地再沒有單獨whatsapp 了，只有group 度whatsapp。
佢無主動搵我令我覺得think too much，直至前幾日，成班同事gathering，佢有問我有無掛住佢（我覺得佢言下之意係問掛唔掛住有人陪食飯的日子），我答「梗係有啦」，但無睇到佢反應。
食飯時我有主動坐佢隔離，成程佢有主動靠過來（可能拎嘢食有需要掛，不過唔似係抽水嗰Ｄ），佢又主動向我派卡片，有主動問我工作上的東西（不是工作開心不開心的那些，而是一些行業意見），話refer 我申請佢張credit card，其實諗住一齊去政府總部，但因為太夜無去，好多人都話我應該去。佢有D 位會專注於電話。
其實我係咪諗多了，我無咩經驗唔知佢點諗。可能我唔太主動又錯過了timing，沒有好好把握機會。
想知佢點諗，教教我之後應該點做，thx！
Carmen
Carmen︰
如果我告訴你，你最應該做的就是什麼都不做，你會聽嗎？你...甘心嗎？
老實說，他是對你有好感的。然而一個男人一輩子有過好感的女人恐怕比他看過的AV 還更多，有好感不一定要開始，更不一定打算為她定下來，從此只認定你一個，所以他為什麼做了一點點又沒有後續，又為什麼忽冷忽熱，一句到尾，就是因為他沒有把你放在心上，才可以如此不在乎，偏偏因為他的不在乎，才讓你更加在意。
你知道自己在對方心裡像什麼嗎？就是煮到面前的方便麵，煮到來便吃，端到面前便吃一口好了，不吃白不吃，一切不過方便就手，要他特地費勁，他才不會。你以為我的答案得無情？他的行為反應早已証實一切，其實更加殘忍。
要是一個女生回答一個男人她當然有想他，後來還可以沒有下文，問這個問題的男人大概就只滿足於狩獵和集郵，只是為了讓一個陌生女生為自己傾倒而已，這樣的男人得到了會怎麼樣，你心裡明白，不贅了。
如果你還是不被糟蹋不甘心的話，那就低頭衝過去吧，我知道你心底深處是這樣想的。
祝 壯烈犧牲
貽興
