貽興︰
你好。我有一些感情煩惱，希望由你男性的角度出發，給予我一些意見。
7 年前，我識咗一個男同事，佢大我7 年，我地共事咗大約一年的時間，當中相方都有小小好感，出過幾次街，但大家並唔係好了解對方。最後因為大家都離開嗰間公司，感情亦不了了之。
1 年前，我地又開始有返聯絡，多咗機會溝通、去了解對方。佢係一個工作好忙嘅人，喺呢一年內，其實我地真正見面的機會唔多（一個月一至兩次）。
我哋出街有時會拖下手、攬下，甚至發生性關係。佢係一個極小表達自己內心嘅人，亦非常被動，但由於佢無論外表及職業也唔錯，所以身邊一直有好多異性會主動approach 佢。
由於佢性格關係，一直以來我都得唔到佢對我有任何嘅肯定。一開始時，我會體諒到佢工作忙碌，就算小d見面都唔介意，但久而久之，我會開始懷疑到底自己喺佢心目中係處於一個咩位置，因為一直以嚟多數都係我關心佢、遷就佢，亦多數係我主動聯絡佢。（佢曾經講過，以我嘅性格，一定會比佢食住。）
最近，我開始接受唔到佢對我嘅忽冷忽熱，我已經唔只一次問佢其實大家嘅關係到底係點，但每次佢都只係好快咁逃避我嘅問題，佢只會話佢都會關心我，會掛住我，但由於佢份工作實在太忙，根本無時間去諗其他嘢。
每次比佢氹多兩氹，到最終都會接受佢嘅答案，之後又會打回原形，當無事發生過，但其實問題一直存在。
到咗早兩日，我真係忍無可忍，我索性同佢講，其實大家都相處咗接近一年的時間，如果真係無辦法有進一步嘅關係，我話不如暫時大家唔好再聯絡，比d 時間大家冷靜下，將來做返朋友啊。但佢又挽留我，話需要我，覺得我唔夠體諒佢嘅工作生活等等。
貽與，我真係越嚟越迷茫。理性上，有時會安慰自己，其實我又唔係佢女朋友，我無需要太執著呢段關係，而佢亦無義務一定要對我無微不至，又或者付出太多；感性上，我又會覺得一年嚟既然大家出街都會拖手，甚至發生性關係（我肯定佢唔係玩弄感情嘅男人），咁即係大家對大家點都存在一定嘅感情，點解又唔可以比一個肯定大家呢？
但理性與感性兩樣嘢真係好難並存，對於佢，我真係好無安全感，成日覺得會失去佢，因為從來我都唔能夠理解佢嘅諗法。到底係我唔識玩呢個遊戲，佢唔願意為我去改變定其實係我太急進欠缺耐性去維繫呢段感情呢？
我身邊嘅朋友都覺得佢只係一直玩緊我，但可能真係當局者迷，我無辦法去分得清。在於我，我真係好認真去對待呢段感情，因為我覺得我哋經過幾年時間後再相遇，到再有機會去了解對方，其實係好難得好需要珍惜嘅事。
我之後應該點做好呢？請你給予我一些指點。謝謝！
迷茫的人
迷茫的人：
很多女人都搞錯一點，其實男人沒有玩你，因為玩你的大前提是，你也得有一點東西好玩，才能被玩。
除非你是完全不好玩的那一種，那又另有被玩的價值，然而從閣下行文看來，你只是介乎中間，沒有性格的中間位置，這種女生滿街都是，何德何能吸引外表與職業皆不俗的他專誠玩你？
一句到尾，他沒有玩你，不過是你自己玩你自己而已。
他是個不願安定下來的玩家，但不代表他有玩你。他玩的是感情態度，不是單一目標，而那個玩字，也不一定是玩弄的玩，而是把感情當作不必認真，不想上身的玩意，閒時點綴一下生活便可，想定下來認真長久開展一段關係？太沉重了吧，太沉悶了吧，為什麼要這樣屈就自己？
我曾在《對，我犯賤》裡寫過，要駕馭像他這樣不在乎的男人，就只有比他更不在乎。不在乎他的存在，不在乎他願不願意確定兩人身分與地位，不在乎他的一言一行…...捫心自問，你做到嗎？如果你做到，你也不會長篇大論寫這封信來問我究竟還能怎麼辦吧？
所以，你只能有兩個選擇，第一，繼續做你認為的「被剝削者」，繼續「被玩」下去；第二，（雖然對你來說有點困難）反客為主，把他放在一個可有可無的位置，跟其他男生約會，跟其他男生相戀、發生關係，既然你那麼渴望正印地位，不一定只在這個男人身上得到呀，成為另一個男人的正印，再跟這一個不在乎的玩遊戲，信我，那時候，求你確認關係的，就是他，而不再是你。
只是要成魔才能得到的人，得到了他，失去了自己，你又做到嗎？
祝 走火入魔
貽興
