嫁人不是一種避邪行為 – 覆自己攞嚟衰

貽興︰

你好!我有一個大難題,希望你可以替我解答。
 
我今年32 歲,有一個拍了拖一年的男友,我哋一齊咗無耐佢就同我求婚,而我亦一口答應,因為我都係一個恨嫁的人,都好想快d 生仔。
 
但其實一路以嚟我都唔愛佢,我只係覺得佢條件好,又ready ,why not?久而久之我就成日發佢脾氣,講埋晒d 傷佢自尊嘅嘢,令佢好唔開心。最終,佢話不如唔好plan 住,因為佢唔sure 亦好擔心我地相處唔到。
 
我知而家呢個局面係我自討苦吃,但我真係有少少後悔。我知佢係100% 真心愛我,係我嘅難頂性格令佢擱置計劃。我地而家嘅狀況係淡淡的情侣關係,佢話唔好再提future,我一提佢就覺得好煩好大壓力,佢叫我比時間佢,我問幾耐,但佢話佢都唔知。
 
其實你話佢點先會有返信心同我?而我又可以做返d 乜去補償又或增加佢自信同減少佢對嘅恐懼?

其實佢係一個好無自信嘅人,亦曾婚姻失敗,而家亦正見緊社工,想解決佢心理的恐懼同埋童年陰影,佢話等佢攪掂佢自己先,其他嘢佢唔想諗住。
 
你覺得我同佢仲有無將來?定係你覺得我應該放棄?你又覺得女人嫁比一個佢唔愛嘅人會唔會開心?

佢錢唔多,憨直好人一個,對我好同埋好loyal,呢d 係佢賣點。
 
自己攞嚟衰

自己攞嚟衰:

你的名字真的改得無錯,一切都是你自己攞嚟衰的啊。

其實你幹嗎要他重拾信心跟你?從你行文看來,你一開始都只是恨多於恨跟他,你只想有人要,但不想給他要,這是你矛盾衝突的源頭,也是你何以一直不珍惜,到沒有了又來後悔,一再拿石頭砸自己腳的原因,如果你很愛他,如果你真的很想嫁給他,你哪會這樣做?

,最後只會離婚。結不成婚已經是你最好的結局,我知道此刻你一定會因為自己結不成婚而氣惱悔恨,但我告訴你,即使他肯娶你肯嫁,你們也頂多幾年貨仔,最終也定必離婚收場。那時候你想想,你扛著一個失婚婦人的頭銜慘一點,還是沒結過婚的女人更有巿場一點?

要是你欠缺足夠視野與智慧,上天不如你所願,有時候不是害你,反而是在幫你。很多女人像你,根本就不愛那個人,不過是時間適合,對方條件好,?why not?結果,就是這句why not 害死了自己,你知道嗎?真正能夠輕鬆講一句why not 的人都是nothing to loss 的人,而你,像你這樣的女人,根本就輸不起。

你可以繼續恨嫁,等人要,但不一定是眼前這個人。你對婚姻的理解極其貧乏扭曲,假若繼續這樣下去,即使他日你有幸成功出售,脫離你一直驚懼的敗犬行列,你也不可能把婚姻成功經營,不為什麼,只因為你一直以為是一種人有你有的儀式,一種把血塗在門楣上就能逃避瘟神的避邪行為,而這種盲從的婚姻觀念,只會令你嫁得出也不可能嫁得對,更遑論幸福快樂。

祝  腦囟生埋

貽興