不懂玩又要玩只會丟人現眼 – 覆不懂遊戲的人

貽興先生︰

你好!我一直都有讀你文章,今次我想你從男士角度俾意見我。
 
我和他真正認識至現在只有半年時間,他20 出頭,我們是不同部門工作的,有時經過走廊都有碰面打招呼,偶然一次我請其他食朱古力,他當時咁啱都喺度,所以亦請他食,自此大家好像有了好感,add 了facebook 交換電話而多傾計、請他食朱古力,他亦主動約我食飯慶祝今年元旦日。

之後都約咗2 次出街食飯,而他曾經暗示想一齊成情侶,但我直接同他講我年紀大過佢(其實大過佢都有9 年之多,但佢唔知的),佢估我大佢4 至5 年,佢話唔介意,最後我都無俾答覆接受佢,只係講大家都喜歡大家,有些關係。

不過有次相約行花市後,好耐再無搵我同約出街了,大家各自過了農曆年假期,而且他突然電話、what’s apps msg、facebook,都沒有主動搵我傾計,我覺得很奇怪但我沒有主動問佢原因。

過了一段時間,我忍不住主動搵佢閒聊幾句,但好多時都dead air,而且全是用what’s apps 文字傾計,已沒有用電話傾了,情人節都無相約出街。

其實我真係唔知發生乜事,無問原因,之後有次傾下計佢竟然約去2 日1 夜自由行,只有我們2 人,初時想拒絕,但發覺自己很想見佢而應承了。嗰晚大家有飲酒,我以為自己唔會醉,但最後少少醉了,他沒醉所以扶我返房,我酒醉仲有三分醒,所以大家沒有發生那回事,只有kiss而已;第2 日大家好似當沒有事一樣回家,我覺得好唔開心,真係唔知佢點諗。

我發覺被他帶住走一樣,我心一路想他,亦真的鍾意他了,但理性話俾我知我哋係無可能,因為年紀相差太遠了。佢亦沒有什麼表示,只是我主動what"s apps 佢先同我傾兩句計。
 
之後一次大家出來竟然發生了關係,今次我有問佢昨晚嘅事,佢竟然只講sorry 一句,其實我有點嬲,我問他究竟我地咩關係,係咪拍拖,佢答我同佢一齊拍拖會好辛苦亦唔識照顧女朋友,所以之前佢女朋友好快分手,攪到大家唔開心,佢唔想傷害我,加上佢知我搵結婚對象,而佢仲細唔想咁快結婚,所以我哋先沒有拍拖。

我聽了佢咁講我都明白,但我又不想就此放手。雖然大家從來都沒有拖手,做不成情侶。但既然我鍾意佢,佢又唔討厭我,這也是唯一大家真正相處見面,於是我們開始了這遊戲。

佢不時都約食飯,亦會發生關係,這關係已經有4 個月了,我現在發現自己不能再玩這遊戲,雖然大家單身,我亦不介意這關係,但我知佢有約其他女仔睇戲食飯,而佢只同我維持那種關係,我開始有點介意,開始想同佢真正拍拖,想有人錫,理智話俾我知不要再同佢繼續了,但我又唔捨不得,我好想知道我應該點做。應否再繼續?謝謝回覆。

不懂遊戲的人

不懂遊戲的人:

算了吧,就算我告訴你應該怎樣做你也不一定會照做,就像你的理智叫你不要盅個頭埋去,你不也一樣越陷越深?明明那個男生跟你發生關係後講句Sorry 你都繼續被他入,跟他發生關係,你這樣就手方便,誰不繼續討你便宜啊?

你有沒有認真想過,為什麼他會在跟你發生關係後一句Sorry 就鬆人?Sorry 什麼?插錯人還是入錯洞啊?最好笑是,你明明就嬲,嬲完又繼續被人繼續Sorry 你,你有沒有想過,究竟你最對不起的是誰?

你對不起的,是你自己啊。

他擺明就是食散餐,Sorry 你的同時也會Sorry 其他女,反正世上豬到這地步的女生不止你一個,明知自己犯賤仍然控制不了繼續犯賤的也不止你一個,所以這些男人才能繼續討便宜。不過你跟其他犯賤女生的分別可能是,其他女生犯賤至少可以得到名份,或者點點的愛,你呢?除了片刻的體溫和大量體液外,就只有一句Sorry 而已。

不要天真以為你最後能夠在這個男生身上等到什麼。最後他留給你的一句話,也不過是Whatsapp 上的一句Sorry 而已。

想自愛,不是嘴裡嚷嚷就能了事。光說不做,你一輩子也在蹉跎,被消費完就會被對方一腳踹開。女人養小狼狗,跟年紀比自己小的男生一起,要不就尋找女王的感覺,要不貪靚仔貪結實身形,或者尋回青春感覺,你現在呢,似乎什麼也討不回,真要犯賤,也找個值得一點的對象,何必搞成現在這樣子?

玩不起,就別要玩了。丟人現眼。

祝  說到做到

貽興