只是一場曖昧遊戲 – 覆Kammy

小姐:

你好嗎?我是之前曾send email給你的Kammy。你之前回覆我的主動的被動,其實我仲有點疑惑。
 
發現之前鍾意的師兄是gay之後,我覺得幾好笑,但又有晴天霹靂的感覺。但好快收拾了心情。


最近SMS就多了一個有好感朋友。佢係朋友的朋友,讀yr2。自一次偶然的機會後,我同佢保持SMS都有一個月,間唔中我地又會叫下對方BB,又會講d好似情話嘅嘢,例如「我好想再同你親近多啲之類」。但有時,我又唔知佢係唔係想劃清界線,就同我講「我哋做到朋友真係好」。而且我哋溝通多數都係靠SMS同MSN,好少出嚟見面。


喺一次佢心情唔好,我想安慰他,就同佢講「whenever u need me, i'll be there」。然後我哋無講兩日嘢,而我都唔搵佢。但佢兩日後無端端send了句「i'm sorry」俾我,又開始keep in touch返。


不過,之後雖然我哋一日都仲會有幾次SMS,但始終無以前回覆得咁快同多。以前他會講一些曖昧性的,例如「你覺得我同你係咩關係」。我從前唔答,但而家,有啲驚失去,有一次自己講咗「你仲係我嘅傻BB」。
 
由於他係一些好開朗嘅男仔,我開始懷疑,佢係唔係對我先係咁,定係對其他人都係咁口花?之前我會以為他對我有好感,但而家我唔肯定。我可以點做呢?定係我在乎咗?已經失去咗主動被動嘅姿態?
 
我見到好多男仔都會寫俾你問點樣去追女仔,不如今次就由你教下女仔,點樣去追男仔啦!
 
Kammy

Dear Kammy︰

所有女孩都該明白此回事:當有男人態度飄忽地接近你,你就應該不理會他。
 
很明顯,他是在玩曖昧,同時候測試一下,你會否是性伴侶的材料。
 
日日傳短訊,情話之餘就是帶點性意味的話題,兼且,非常少真正見面。
 
那麼,你就該知道,這個人,你只可以用來玩曖昧,又或是,視他為性伴侶。
 
你知道嗎?他對你的態度,就是如此。他以你來玩曖昧,又順便測試你能否成為性伴侶。
 
甚麼男人才是認真的?
 
第一,他認真的話,會真的約會你,一次之後又一次,連續約會你,非常想見你。
 
第二,你和他是正式拍拖,他會做一些「男朋友」會做的事。例如,計劃約會的節目;和你上床之外,你們還會做別的事;會當眾地、大街大巷拖你的手。
 
第三,你在大家的相處中,感受到大家有將來。
 
以上三點都存在,就算是認真的關係了。
 
「真正見面」和約會,是很重要的。他真正喜歡你,就會真的想見你。
 
只是頻繁地傳短訊、講曖昧說話,其實,只是曖昧遊戲,又或者是性騷擾。
 
你愛上了他,是無用的。他只是玩玩而矣。
 
但若果,你都不介意玩,那麼,就給他傳一些超級 sexy 的說話,明示暗示你肯做 sex partner ,這樣子,他肯定會想見你。但當然,以後的日子,你也只會是性伴侶,不會變成女朋友。
 
為甚麼他不揀你做女朋友?因為,可能他已有一個了;也可能,他同時候在追求許多個;更可能,他不太喜歡你。
 
想正式拍拖?耐心等下一個吧!