3個月已沒有passion – 覆Yan

你好呀。


我同男朋友一齊3 個月,因為我地本身係同事,平時五日都會見面,不過因為佢平時有4晚都要返學,星期六又要陪屋企人,星期日佢又話要陪朋友,又話好累要訓覺,我地見面時間除咗返工就無得見,我開始覺得我地拍拖係可有可無。


我知我應該體諒佢,返工返學真係好累,但我始終係佢女朋友,就算真係好忙好忙,搵少少時間陪我都唔係好大問題呀!我唔多要求,只係想佢陪我好少好少時間,但佢做唔到,成日話好忙好忙,我真係唔知佢想點。


因為大家係同事關係,我地的戀情好快比其他同事知道咗。同事成日都會提住我哋,我就唔係好介質(介意)人哋點講,但男朋友就覺得有少少煩。佢無承認到我係佢女朋友,成日答唔知,其實好多人都知我哋拍拖,點解佢仲要唔承認呀?


我知拍拖要信任,但我會懷疑佢係咪真係鍾意我!我覺得好煩惱呀!


Yan

Dear Yan︰

你知道愛情中要有甚麼元素嗎?
 
愛情中要有 passion ,激情和熱情。
 
你們才一起3 個月,他已經對你毫無 passion ,那麼,大概可以算了。
 
他對你無 passion ,於是,他不想常常見你,不會為你製造任何驚喜,不想特別給你送上拍拖的樂趣。
 
而且,他根本不想同事知道你們在拍拖。
 
其實,問心,你都感受不到任何愛情的甜蜜感覺吧!這即是說,你好喜歡他,但他並不太喜歡你。
 
許多時,信賴感覺就好了。你感受不到他的關心和熱情,那麼,他就真是對你毫不關心和毫無熱情。
 
一句講晒:他沒有愛上你。甚至,不算很喜歡你。
 
當你試過一次充滿愛意、激情、甜蜜的關係後,你就一定能分辨得到,這一段,根本在一開始已死了。才三個月,就已經毫無生命力。
 
對於這些對你毫無熱情的男人,你是應該立刻把他拋棄。他既不能給你錢,又不能給你愛意和浪漫,兼且覺得你可有可無,試問,他還有甚麼存在價值?
 
男朋友的作用是疼你、照顧你、讓你開心、與你分享,他完全做不到,又或是,不想做。
 
一個零分的冷淡男朋友,簡直多餘。趕他走吧,別讓他阻住你個地球轉。