抹不走的傷害 – 覆Pinky


深雪小姐︰

你的專欄是我經常收看的網頁之一,因為我覺得你對愛情的見解比較深入獨到。

首先,我是一個已婚的媽媽。十多歲時,隨家人移民英國,在英國認識現任的丈夫,拍拖數年後結婚,已育有一子,以為可以較為穩定。

但是,當我懷孕(第2 名孩子)第4 個月的時候,我覺得老公有d 唔同,成日o係屋企坐唔定,話出去買呢樣買個樣,又試過幾次夜mama 出街(話同d 同事飲o野)。初初,我諗可能佢工作壓力大,原來唔係。

當我當夜班返屋企o既時候,發現老公同第2個女仔傾電話。在我認識的佢,佢唔會夜mama 傾電話。我知道已經有問題,當我問佢o既時候,佢就話比我知係公司o既女同事,而佢發脾氣只係話普通傾計,覺得我多心。

之後我就check 佢電話單,原來佢每日都會定時打電話比佢,而佢
o地每次傾電話都係我返緊工的時候。初初我老公都唔認,話只係個女仔打比佢,佢冇理個女仔之類。其實,係不斷係道講大話。

之後,佢就不斷認錯。而我因為唔想小朋友細細個就冇daddy,所以我原諒了佢。

其實事情已經發生了1 年,第2 名小朋友亦已出世,而我亦努力忘記,努力將我的注意力放係返工、讀書、 湊小朋友,唔想再諗、再提呢件事。只要佢係真心認錯,都應該有個機會。

但係,原來要忘記呢件事係好難。依家我仲放唔低呢件事,我覺得點解要o係我懷孕的時候?點解要o係我以為自己幸福o既時候?佢既然愛我,(點)解要o係我最需要支持的時候傷害我?

深雪小姐,究竟我應該點做?

Pinky


Pinky

所以,我幾時都話,愛自己,比愛他,更重要。

你忠心、有責任感、有家庭心、安穩。於是,你也期望你的伴侶也是如此。

誰知,他心野、不忠、貪歡、不安穩、不成熟。

你很失望,對嗎?

好吧,我首先要告訴你,男人,就是這樣,他們有不忠的天性,也自私,以私慾放在首位。他們先關注自己的渴求,然後才想到你的傷心。

你的丈夫願意回頭,於他來說,已比足面你,他覺得,已是仁至義盡。

其實,你都無得揀。你只可以選擇真心的原諒,又或是灑脫地離開。既然你不離開,只好真心原諒他。

每一位企圖維繫家庭的婦女,也是採取這種態度。

也請你記住,男女間的愛情,本質是虛無的。

因此,你捉不住丈夫的心,你覺得兩人之間的愛情不可靠不穩定,是正常的。

愛情,是世上其中最易變質的東西之一。比牛奶更易變酸和變壞。

你接受愛情易變、男人易變,生活就輕易得多。

若然我是你,我會立心照顧好孩子、立心照顧自己的心理和實質需要,最後,才去理會身邊男人的心到底有多穩定、有多真。

你自感做足一百分的妻子和母親,就已足夠。

他若然不珍惜你,是他的錯他的缺失。

你無做錯,就不必懲罰自己。

他如今乖乖的話,你就放低對他的怨恨。要是他再犯,你才考慮其他處理方法。

深雪覆