不清不楚 – 覆Ey

Hi
貽興︰

我叫Ey,鐘(鍾)意了一個舊同事,佢對我好好,佢都知我對佢有意。呢段奇怪o既感情維持了年多,中間發生了好多事,經歷了好多風浪。

以前同公司,佢會每朝買早餐比我食,對我好細心好好,大家好多時都會一齊約出黎食飯、玩(不過單獨就較少)。我地曾經仲同D 共同朋友一齊出國旅行。

大家相處無大問題,最近去朋友屋企玩更攬住了(係好自然每次見面大家都好互相親近依賴),平時佢亦唔介意同我分享佢工作上
o既問題同困難,我亦都會搵佢商量關於我
o既事。



其實作為一個男仔,係點睇呢段感情或呢件事呢?

會唔會係佢介意/接受唔到一個佢覺得唔合格既女仔(e.g. 食煙、去夜街、鐘(鍾)意玩?)?因為某程度上佢係幾鐘(鍾)意d傳統乖乖女!

我應該點做先更加清楚了解佢o既心意同知佢點諗?

Ey



Ey︰

其實呢,男仔一班朋友玩o個陣攬o既女仔,唔一定係佢鍾意,或者會追o架。

反正又冇手尾跟,出o黎玩,高高興興,有個女仔可以挨到咁埋,只要佢唔算醜樣,攬攬撟撟,有咩唔好?

所以,就算你同佢攬住o左,都唔代表佢對你有意思。

男仔如果對你有意,至少有個好肯定o既指標,就係:佢一定會單獨約你見面。畢竟一班人一齊都好難真正朝夕共對,而且一個人對住一班人同對住一個人o既樣,係可以唔同架,所以,唔好以為一班人面前你o地好親近就等如有o野,知冇?

所以,不如你試o下向佢放風,話你好想睇一套戲,但冇人陪你睇,睇o下佢有咩反應?如果佢對你有意思,自然識做。

祝 你眼望佢眼

貽興