男友的哥哥 – 覆Sary


深雪:

我一直是你的fans,希望你可以提供一些意見給我。

我跟男友在1 個月前分手了,到現在內心都對呢件事想不通,自問已經做到百份百女友,會煮他喜愛的食物佢食,知佢重視媽媽,每到假期都同佢一齊陪佢媽媽。

我跟他是在一個朋友的生日party 上認識,而且大家一見鍾情。他很快便約會我,由於我怕受到傷害,所以就問身邊認識他的朋友對他的評價,得到答案是反對我同佢發展,他們都說他不是一個好男仔,但都沒有說明原因。


我聽到後非常失望,但依然是避開佢,而且最後也沒有應約。他不知道我跟他之間發生了甚麼事,只知我每次都不願應約。他沒有停止地繼續約會我,最後我還是答應了出來跟他食lunch。自那次見面後我知自己係對佢有感覺,因為我即使聽了其他人對他的不好評價,我在跟他的相處中依然不覺得佢有問題。

他對我開始時也非常緊張我,我們發展得很快,他有跟我說以前的女友大多是在大陸認識,但最後都發覺始終因為文化及背境布(有)的差異,很快便會分手。而且佢媽媽也不喜歡大陸o既女仔,因為多數大陸的女仔都沒有正當職業。所以佢覺得同我一齊好開心,而且比到佢會想同我有將來o既感覺。

因為佢已經36 歲,而我也已經35 了,所以大家都真係有諗過將來。很快佢就帶我見佢所有屋企人、老朋友及公司同事,而且又說希望可以見我媽媽及朋友,但我覺得佢始終比唔到信心我,所以都沒有帶佢返去,而他媽媽見過我後,就同佢講覺得我幾好係正經女仔,可以適合做太太。

過了不久,她媽媽開始問佢同我諗住點,而且諗住想o係附近買層樓比我地將來結婚住,我們3 人還一起去睇過樓。所以我當時都覺得係會同呢個人結婚,加上年妃(紀)不小。

但在我地一齊o既3 個多月內,其實有多問題出現︰

1. 他跟我剛開始的第一個星期,他去了越南出差,我們每晚都有msn 聯絡。直至最後那晚由於我約了朋友食飯,所以用mobile msn online
同佢講我20 分鐘後會回到家,他說好呀,那你返到屋企後我們再傾吧。

當我回到家發現他offline 了,所以打電話比佢,但一直沒人接聽。到第2天早上他都沒有聯絡我,最後在上機前才send 了一個sms 給我說上機了,今晚見。到了晚上見面時他沒有提過昨晚offline
及沒接電話的事,我問佢佢只係話係呀,同你mobile msn 完後睡了,所以無接電話。但那晚是我們第一次sex,他居然不舉?

2. 他們家在深圳有一間屋,是為了方便每到週末跟他在大陸東莞工作的哥哥見面。每到週六他便會帶媽媽上堔(深)圳跟哥哥3 個人家庭日,我的出現便變成4
人行,起初都沒有問題,我試過跟他與他哥哥及幾個朋友一同去卡拉OK,當中見佢o地每個男人都已經40 歲,但都帶住一個20 多歲的女仔一齊,我見後好唔舒服,問過他,他說那些是人家的事,不要理人咁多,總之每次出去都會同(我)一齊就好了。

但有一次他哥哥向他提出叫他自己出去,因為有事要同佢傾。我內心非常不願但又不能說不,於是他先送我和他媽媽回家後,自己再出去。我一直睡不著,由11
點多等到2 點多,他都沒有回來、沒電話,於是我打比佢,佢接電話說在回家途中,大約20 分鐘後聽到他的開門聲,但他沒有第一時間入房見我,在客廳外先洗澡,等過了大約10
多20 分鐘他才進房,而且又是若無其事地說夜了睡吧,有咩明天先講。

到了第二天,我打了一篇很長的email 給他說明我昨晚很不開心及不能接受佢o係大陸丟低我一個人在家出去玩到三更半夜,其他他在香港的事我是不會管他的,叫他想清楚想過邊種生活。最後他說想通了,知道我擔心,而且同我一齊o既時間,我實在比到佢有家o既感覺,所以希望我我會同佢繼續一齊。

自此,他哥哥及朋友每次在佢上大陸晚上叫他出去玩,佢都拒絕了。過了約個多2 個月時間,問題出現了。

他跟我說他哥哥跟他說要他跟我分手。其實一開始他哥哥已經說我年紀大,不贊成我們一起,但當時他沒有理會。最後他哥哥已經反對到說有我便沒有他,要跟他脫離兄弟關係,及將來我們如果結婚也不會出席,原因是他跟我一起後沒有自由,而且又說他是否要玩反樸歸真,做咩要選我呢d
貨色。(我聽後很憤怒,我自問五官端正,又o係日本留學,有一份穩定工作。)

最後兩兄弟反目成仇,她媽媽因為呢件事很傷心,最後他跟我說為
o左唔想件事情況愈來愈惡劣及唔想他媽媽擔心,所以我地不如做返普通朋友。

我聽後很傷心。但到第二天他又打比我問我有無事,我完全沒有表現我的傷心情緒,佢話其實我地可以照原定計劃12 月去泰國旅行(我們已經訂了機票及酒店),以及我可以如以往去佢屋企食飯,又話知自己比唔到將來我,因為要搵一個可以同佢屋企和諧相處o既女人,佢媽媽也在電話跟我說對不起,唔知點解個大仔會咁討厭我,只可以說沒有緣份。我當然都一一拒絕佢亦同佢講無必要做返朋友。

3. 最近我知道佢已經如以往上大陸,同佢阿哥及那班朋友又重過那些夜生活。我知道後好唔開心,原來佢真係已經完全放低了我。

非常唔好意思,打完後發現文章很長,希望你可以在百忙之中都抽時間解答我。

深雪,你覺得我算係專制嗎?我只是想自己身邊o既男人對我專一,其他o既條件我已經無要求,點解每次都會係同一結果?

Sary



Dear Sary

我不覺得你專制,但是,你的男朋友非常顧及兄長的看法。

同時候,男人最忌有一個怕老婆的形象,因為你,他屈服了,變得好乖,他對你的遷就,可能會令他在朋友和兄長跟前無面。

做這種愛玩的男人的伴侶,就要好識做,放手讓他去玩。當然,你要告訴他甚麼是底線,並且情深款款地加一句:「你要是和其他女人真的發生事,我會好傷心!」

你的男朋友和兄長都屬於大男人那類,他們認為,女人是無權控制男人的歡樂時光,理想的女朋友或老婆,是那些笑著在家等門的溫柔女性。

大男人心目中的好女人,不只是端莊有學識,好女人,於他們來說,就是等於識做的小女人。

要是你能做到這類表面上給予男人自由的女人,你就合格。基本上,你的男朋友對你真心,你的未來奶奶支持你,你就是得不到男朋友的兄長的認可。你肯扮成小女人的話,事情就能解決。

你表面扮成小女人,任由男人自由玩樂,然後,努力做個一百分女朋友,那麼,你的男朋友就會很疼愛你。你也不要批評他的朋友和兄長處理男女關係的態度,那真是不到你管。

深雪覆