等半年 – 覆Tree


深雪︰

首先感謝你用寶貴時間去看我打o既mail。

我最近o係公司識o左個女仔,經過MSN 幾次之後覺得幾好傾,之後就係咁SMS。我有好多時打d唔洗覆o既msg 比佢,但佢都繼續好熱情咁send
比我。

So 識o左1 個月不停地SMS,跟住她一次好即興叫我陪佢睇o左一次戲,送o左佢返過一次屋企,後來繼續SMS,偶爾傾下電話。


不久我表白o左,但可惜o既就係佢上個男朋友又係識o左唔係好耐,個幾月就散o左,佢話唔想一齊o左先知對旁(方)原來係有問題,跟住表白完比我o既反應就係叫我等半年,跟住我應成(承)o左佢。

表白後o個幾天仍然保持不停SMS,但過o左幾日後d SMS、MSN 變得非常冷淡,o岩o岩接佢放工送佢返屋企都少了以前o個份熱情。

我真係好愛佢,但我真係唔明佢諗緊咩,有人可以解救我嗎?我宜家應該點做好呀?熱情真係有罪o既?

我d朋友叫我掉(吊)下佢引。點掉(吊)呀?

請解答我問題,感謝大大,苦惱死我了。

我真係愛得很深,很害怕。可以的話請回email,感謝!

Tree



Dear Tree

這即是說,她想你做她的朋友,而不是她的男朋友。

她與你的接觸其實非常足夠,你們頻密的SMS、有電話溝通以及平日在公司常見面,更單獨約會過,因此,她對你已有足夠的感受,她有能力判斷你是否有資格做她的男朋友。

好吧,她決定了你無此資格,然而,她覺得你幾好,於是,給你一個普通朋友的封號。你問你自己,想不想做?

有些女孩子有能力讓男人追求好多好多年,若然你有時間有耐性,你都可以試試。

我都支持你的朋友的意見,應該對她減少熱情,就像個好朋友般對她便可以了,不要做任何擬似男朋友的行徑。

你要分辦得出自己的心態,你究竟是真心愛她,還是心急得到她?

真心愛她的話,就為她忍耐一點,守一個朋友的位置,靜待某年某月的某個好時機。人會變,說不定她有天會看上你。

要是你不過是心急得到她,那麼,隨便燃燒那堆不討好的熱情吧!到燃燒盡了,你就能心息,就能轉移目標。

深雪覆