外賣不需找錢 – 覆Kella

貽興︰

你好。我睇過你o既書覺得好正呀,希望我
o既問題你可以幫我解決到啦。

其實呢件事都困擾o左成個月,一直都好想send e-mail 俾你,不過拖到而家,問題都好似解決唔到,所以就同你講啦。

我簡單d講啦,唔長編(篇)大論o刺。

今日係一個男性朋友o既生日,其實我好想去,但係我驚自己去到會失控,但係我想迫自己接受現實,因為我始終要面對有佢女朋友在場o既一日。


其實呢個男性朋友曾經係我鐘意o既人,我鐘意佢都一直冇表示過d咩,但係關係一直好似曖昧,而且發生o左關係,就o係佢女朋友去
o左旅行,佢就叫我上佢屋企,雖然佢o個時同我講佢係鐘(鍾)意我,但我自己心知佢唔會放棄同居7年o既女朋友,但我冇諗過事情會變成咁。

自o個次後,我地幾乎冇聯絡,偶爾間會一班朋友出o黎,見到面我都唔想同佢講o野,因為真係好唔開心,而且會忍唔住失控喊。

雖然我而家已對佢再冇任何期望,但我好驚見到佢同佢女朋友一齊
o既場面,唉?點算好?

希望你的意見可以令我醒覺,多謝!

Kella



Kella︰

其實,那晚你上他的家,應該早已預料過,大概會發生甚麼事吧?

不要天真得跟我說,孤男寡女共處一室,喜歡他的你,不知道可能會發生甚麼事。

你不知道的,不過是他的為人,和他之後的反應吧。

可在我看來,他的反應,很正常。

男人就是這樣,趁女友不在,就會偷食。對象可能是舊情人、二奶,或者明知對方暗戀自己,即俗稱「很容易食」的女生。不用花時間約會蘊釀、摸索,直接叫上屋企,快快手搞掂,之後,扮冇事發生,食完,拍拍屁股走人。

你想他再找你?如果下次他的女友又去旅行,他又沒有其他新對象或者更易搞的女生,可能會約回你,更可能,會向你吐苦水,說自己其實很痛苦,那次之後一直想找你,但苦無機會。

之後,就把你再次抱上床。

然後,一如上集結局,之後,繼續扮唔識。

如果他的性行為技巧很好,你又沒有其他途徑解決性需要,你還是可以繼續做外賣妹的。可是如果你想要的是愛情,sorry,你永遠不可能在送完外賣得到。他連單都沒有埋過,到最後,你可能連飯盒啤酒錢車錢都蝕埋。

先學懂愛自己,是被愛的首要條件。

祝 只限堂食

貽興