無能為力 – 覆GiGi


深雪小姐︰


你好,希望你可以給我一些客觀既意見吧。

我和他是在前年網上認識,認識沒久就一起了,不過我知道那年和他一起時,是玩玩下而已。一齊o左一陣就好快分手了,當時他很傷心,他的朋友還告訴我說他哭。不過我想回來,當時我很冷血,不覺得他哭是甚麼。

過了半年,我因為屋企發生了事很不開心。之後佢o個晚陪我傾電話直至我睡著。 在我們分

開的半年,他都好像是我的守護神,難聽小小就觀音兵,我想做甚麼都會陪我做。

上年和他再一齊之後,他每次約我出街,我都拒絕,但我在家是沒東西做的。有一次同佢出完街,返到屋企之後,我好掛住佢,這感覺是從來沒有。之後我就很認真投入這段情,很快我就一個星期到他的家一次,之後仲同居。開始的半年沒有甚麼問題吧,但時間耐了,好像甚麼煩惱也出現。

因為他很喜歡打電腦,和他一起就是看著他一路玩電腦。到了近幾個月,還過份到唔同我落街食o野(係早餐之類而已,不是甚麼約會晚餐)。漸漸我唔開心,但我知道他是愛我,不過只是喜歡電腦這樣。

開始有小小怨言了吧,每次和他有小意見之後,他可以完全當無回事。有一晚他放工,我在自己家發燒,屋企人又全部外出,我想叫他返o黎,但他只說他只想返自己屋企。以前每次和他各自在屋企睡,都會好掛住佢,有時仲會喊,但o個晚我聽到佢咁絕情之後,我不但無喊,仲好似甚麼感覺都無,好恐怖。

之後佢第二日,提都無提呢件事,仲完全無意思返o黎,我當時想清楚跟他說分手,因為我覺得就算我o地因為發展得太快,只剩下感情,也不是這樣冷血吧。

到了晚上他在MSN 叫我,他問我可唔可以給他一個機會,跟住約我食飯,你知道嗎?你(他)當時約我,我開心到不得了,因為我就連和他出街正正式式食一餐晚飯都以(已)經係同居之前o既事,還說到是約會,當時我答應了。我跟他說之後要對我好一些,嘈完之後要解決問題,他都一一答應。

約會完我去o左佢屋企睡,同佢出完街之後,佢沖完涼就好似死o左咁睡著o左。他以(已)經好幾個星期沒有和我親熱過,之後o個晚佢同o左朋友去酒吧飲o野,他答應我會早上8
點之前返到o黎,但佢11 點先返o黎,我好嬲,因為佢本身個人很沒信用。

晚上我同屋企人出街食飯,我出完街返o黎,見佢睡o左上床,問佢咩事又話只是累,但我知道不是,因為他不會輕易放下電腦返床睡。之後我沖涼返床睡,之後他跟我說想辭職,他做的只不過是part
time 電話投注,做了一天就說辭職,一個連這樣o既工都say no 的男人,我真的不敢想未來。

之後一路傾,停o左一陣,我感覺到好像有問題,我也不知道這感覺從哪裡來。我問他︰「你係唔係想分開。」他答我,想回家靜兩日。初初我完全唔知係甚麼一回事,他說他想諗諗係咪仲愛我。我答他︰「你以(已)經不愛我。」以後他不作聲,我不斷說我們之前o既開心事,之後還好像失控的哭,但我感覺到他在我旁邊,他甚麼感覺也沒有。之後我講出我感覺到o既o野,他開始哄我,說不一定要分開。

我問他,會唔會一生也記得我,他沒答。過了一會兒,他哭著說︰「你o岩o岩問我會唔會一世也記得你,我會一世都記得你係一世對我最好o既人。」我從來無見過佢喊。佢話諗完覺得自己改唔到o既話想分手,因為佢覺得我呢幾個月好辛苦,又話想可以成日同朋友出去飲下o野,唔想一齊住,比佢玩夠先。我都好想比佢出去同朋友玩,但佢每次答應完我o既o野都做唔到,咁點比佢去玩?

今日,我送佢搭車o既時候,兩人一直無出聲。佢上車o既時候想抱我,但我推開了他,可能是自己鬥氣吧。之後返屋企一路o係條街喊。

我而家個心好煩,我唔知佢講o既辛苦我想分手係為佢自己好過d定係真。佢返到屋企之後一直無搵我、無on MSN,連佢最鍾意o既game 都無online,我唔知佢係咪真係返o左屋企。

我同佢而家到底係咩狀態?我而家應該點做?唔該你!

GiGi



Dear

GiGi︰

你知不知道?愛一個人是需要能力的。

你的男朋友正面對自己的無能。

其實,作為女朋友,你不算太煩,然而,他都已經受不住相處的壓力。

回想未半同居前,他簡直就是兩個人,他肯付出,愛情力量澎湃,你是因為他這模樣而被打動的吧!

然而,大家真正開始後,他就變了。你沒甚麼大錯,只不過,他根本無力量經營一段真正的關係。

看吧,他連自己的工作都處理不到,可見,他本身有問題。

所以說,找男朋友,要找個有點事業的,這不是貪慕虛榮,而是,一個工作上能幹出色的人,同時候都是一個處理生活的能手。

你的男朋友能力低,於是,工作做得不好,愛情上也無能力處理。

他需要的不是你、不是愛情,而是自我的培育和進步。

他和你分手是對的,他自知不能給你愛情的幸福。

這種男人其實不少,內心渴望去愛,可是,在現實中,就連付出些少都無能力。能量極低。

你是有能力去愛的女人,那麼,去找個同樣有能力去愛和被愛的男人吧!

愛是一種能量,而遺憾地,不是每個人都有。

深雪覆

advertisement
Something is wrong.
Instagram token error.