冬蔭公與雞燉翅 – 覆一個唔得寵o既第三者

Hi
貽興:

工作關係,我被公司借o左去另一間舖幫手15日。因此,我認識o左S 君。

因為我份人比較爽,可以話男仔頭,所以去到新舖,S 君好快同我熟落o左。有一次出
o黎飲o野,我醉醉o地,S 君同另一個同事就車我返屋企。S 君話送到我去我大廈樓下,就話要畀個goodbye kiss。就因為咁,我同佢發生4角關係。

我同我男朋友拍o左3 年,佢同佢女朋友拍
o左6 年。


佢o既出現加速o左我同我男朋友分手。其實我同我男友成日都講分手,因為我同佢一直到係唔性格夾,S 君o既出現令我覺得我唔應該再浪費自己時間。



分手,我係想減少自己罪惡感,做第三者已經夠衰,我唔想呃一個鍾意我同我一齊3 年o既男朋友。但S 君反而覺得咁o既關係唔好,佢成日都叫我搵個男朋友。


唉!好矛盾。開始o左一個月多D,我諗緊應唔應該等S 君。S 君對我講過話如果早D識我就好,佢覺得如果佢冇女朋友佢會幾鍾意我,佢同佢女朋友係好平淡,平淡到冇咩偈傾,但佢又話佢同佢gf
係分唔開,我同佢都係22 yrs,佢話佢過幾年會同gf 結婚。


我唔明,如果佢咁愛佢gf,就唔會同我開始。開始o左之後,佢話佢有諗過話算,點知次次第二日都有打畀我,繼續逃避選擇。佢話我同佢女朋友冇人可以迫到佢choose,佢話連佢自己都唔會(知)我可唔可以取代到佢女朋友。

仲有,其實佢呢6 年不定都有一腳踏兩船,但果D女仔係唔知佢有gf,我係第一個,最後係D女仔頂唔順佢成日唔聽電話所以分手。而我o既情況好唔同,知道自己咩位置,我一直對佢冇咩要求,佢話幾時見就幾時見,都係一味做等o個個。

佢話唔知點解今次對gf有好大罪惡感受(我聽到都唔知開心定唔開心,開心係我有咁o既影響力,唔開心係佢有因為罪惡感想結束呢段關係)。唉,就係呢D
佢畀希望我,令我唔知等唔等好。因為佢話主動權o係我到,佢唔會講一句叫我留低or 分手,佢覺得佢唔可以咁自私,明知自己唔會同我一齊都叫我留係佢身邊。

有一樣o野好令我心痛。由於工作關係,我可以知道佢gf 的contact 方法。佢叫我點都唔可以搵佢gf,佢話佢gf 係唔可以受到傷害。如果佢傷心,S
君都會好傷心。我又敢(諗),如果咁愛就唔會同我有關係啦。

by the way ,我有諗過佢係咪only 當我sex partner。我地差唔多次次見都有咩,佢話同我好有feel,佢返到去有時對gf
冇興趣。

你俾D 意見我呀!

一個唔得寵o既第三者



第三者小姐︰

如此清楚自己位置的你,該會不時哼唱《最佳位置》來自我安慰的吧。

可是,如此清楚自己位置的你,又知不知道自己的結局?

擺到明,你在等不可能等到的結局。

你在等那碟雞燉翅,你深信自己一定等到,你知道自己要甚麼,雞燉翅遲遲沒捧來,你安慰自己說,可能因為炮製需時,不打緊,你跟自己說,選得雞燉翅,就明知道要時間,要有耐性,要等,不打緊的。

可是,你有沒有抬起頭望清楚,自己置身何處?

如果你置身酒樓,這盅雞燉翅,可能真的給你等到。

可是,你置身的,是泰國菜館。

在泰國菜館等人送來一碗雞燉翅,就像你在這位置等你跟女友分手,只愛你一個一樣。

看到嗎?侍應終於來了,給你一碗東西。

但望清楚,原來,不是雞燉翅。

而是冬蔭公。

陰公。

祝 展翅逃生

貽興

advertisement
Something is wrong.
Instagram token error.