靚仔靚女

靚仔靚女

深雪


女人看男人,何謂靚仔?

靚仔,當然可以是標準型格的男人,他們五官身形皆出眾,無可否認是靚仔。

另外,頭部範圍不可觀,但身材曼妙有氣質的男人,也可以被稱為靚仔。加上有點品味,就靚上加靚。

有很多時候,女人眼中的靚仔根本只是平凡男人一個,但他乾淨、整齊、感覺舒適雅潔。

而甚者,是因為他有成就、財富、金錢,於是,人稱靚仔。大小週刊上的名男、紳士,外型其實不過爾爾,但因為背後有點金錢和成就,於是就連外形也升高幾級。

女人對男人的外表是寬鬆的,秘技是乾淨醒神有個人風格。

男人看女人,就有一定的標準。靚女,不是隨便叫的。

靚女,起碼要五官標緻,身型適中。只有「美麗」,才能被稱為靚女。

其餘所有有氣質、有型格、有深度、有修養、有儀態……都不算是靚女。

男人會說:「個樣就麻麻,不過,都幾有氣質!」

靚就是靚,其餘的補助,是其他的事。

女人也不可能因為叻女而被男人稱為靚女,更不會只因為男人愛她而化身美人。男人會說:「你看你多幸運!你不漂亮,但有我喜歡你!」

女人會事無大小叫男朋友、老公為「靚仔」,但男人對女人的容貌,要求堅持得多。