浪子與孩子 – 覆Elyse

貽興:

你好!一直都有o係 she.com 睇你o既專欄,希望你可以以男性o既角度解答我o既問題!

我同我男朋友相戀o左1 年,佢比我細5 年,佢20 歲,我25 歲。說真的,我倒不介意年齡o既問題,我介意o既係佢究竟對我係唔係真!

其實我同佢由結識到拍拖只係短短2 個星期o既時間,當初互有好感,完全沒有考慮大家長遠發展o既可能性!

事情係咁o既。同佢一齊o左大約4 個月,佢o係網上識o左個女仔,佢瞞住我約個女仔出街,短短1日佢就已經同個女仔開始o左,選擇o左放棄我!

當時我好傷心,但由於工作o既關係,我仍然會見到佢!o個時除o左工作上o既事,我完全唔會同佢講一句說話,差不多當佢透明!佢同個女仔一齊o左2 個星期左右,佢主動提出分手,分手o既理由係放唔低我!後來佢追返我,當時我因為太愛佢,又覺得浪子回頭金不換,於是接受返佢!後來問佢點解佢會同o個個女仔一齊,我(佢)話係新鮮感!

其實我知佢好鍾意上網識朋友,但總覺得如果佢個心o係我度o既話,上次o既事應該唔會再發生。點知我錯了,直到今年1 月,佢又o係網上識女仔,今次o既事令我更痛心!佢同個女仔發生o左一夜情!本來佢話我知當晚要加班,但女人o既第六感太準了,本來由我第一次質問佢,佢否認;到第二日,佢自己send SMS 比我問我如果佢同其他女人發生性關係會否原諒佢!

當時我真係原諒唔到佢,佢打左幾次電話比我我都無接。之後情緒受控先接返佢電話,佢話就算我原諒佢,佢都唔知點面對我,又叫我搵個更好o既男朋友!我話:「好!」之後佢又打o黎,叫我原諒佢,比多次機會佢!今次我心軟了,又再答應同佢繼續!問佢點解要ONS(one night stand),佢話係好奇!

自從第二次o既事發生左之後,我一直都訓得唔好,好多o野諗,諗佢究竟對我係唔係認真,又好怕佢再去玩,應唔應該再繼
續?如果佢對我係認真o既,點解可以一次又一次受唔住引誘,做出一d傷害我o既事?我真係好怕佢會一直玩落去。到我30 歲無晒青春o既時候佢依然出去玩,到時我o既選擇就更少更少!

究竟係因為佢年輕,做事唔顧後果;還是佢根本唔想對我認
真?同佢1 年了,其實佢真係好o錫我,有時反而係佢遷就返
我!朋友異口同聲叫我放棄佢,但係浪子真係唔會回頭的嗎?如果佢唔係對我認真,點解平日會事事遷就我,即使有其他更好o既選擇,最後依然選擇同我一齊呢?

可以給我一點意見嗎?謝謝你!

祝 心想事成

Elyse




Elyse︰


他不是浪子,他還未到這個年紀,他不過是個孩子而已。

浪子可以有孩子的特質,孩子長大了也可以是浪子,但孩子還不是浪子。

他才20,世界那麼大,那麼多不同的女生,你怎麼忍心要他只為你而停留?他肯,過幾個月,還是身痕,還是忍不住。

你還年輕,不過才25,為甚麼要裝大人,要玩煮飯仔家家酒扮媽媽管起孩子來?

趁還年輕,找個比你年紀大的人,好好享受被愛和被照顧的幸福吧。

何必執著。

祝 早日放手

貽興