一夜情 – 覆晴

貽興︰

我想問怎樣確認男仔是否喜歡你呢?

我經已注意o左呢位男同事年幾啦,不過因為同佢無公事上的直接聯絡,所以都沒有認識過。而最近經過另一位同事,在12 月頭我認識了他。在接下來的1個星期都有keep 住講o下電話咁,但都無單獨去過街。

可是近日電話少了, 甚至沒有。所以我都沒有想過大家有發展的機會。而剛過去的星期五是公司的annual dinner,晚飯後佢打電話約我去disco 玩,大家都有飲酒,玩得好開心。在跳舞的時候佢主動攬住我、o錫我,起初我都有reject 佢,但慢慢我又?因為我知我喜歡佢的。玩到天光返到佢屋企,大家發生了關係。而起床的時候,大家的感覺都好似情侶咁。

由發生o個件事到現在,佢都打過1次電話俾我,而我忐忑的原因係我想知佢係咩想法,係因為o個一刻寂寞?還是佢同樣o地對我有feel呢?

呢一刻我不能確認大家的關係。係情侶?還是one night stand or sex partner 呢?但我承認在感情上我的保守,我接受不了 one night stand or sex partner,同佢發生關係係因為我鍾意佢。

貽興,我應該點做呢?




晴︰


你問我「我想問怎樣確認男仔是否喜歡你」,我的答覆是,當他跟你一夜情之後,仍然跟你保持聯絡,仍然想跟你見面,不光是只通一兩次電話,不會只在大時大節致電叫你出現解悶?你明白了嗎?

如果整個感覺回想起來仍然圓滿仍然快樂,那就保留它好了,反正你也也開心過流過汗,就當是美好回憶好了。有些故事只能是短篇,無法衍成長篇,有些則只是一二百字的極短篇,勉強敷衍作長篇,寫的和演的,都累,都投入不了的。

新年快樂。用心寫你下一個故事吧。

祝 長寫長有

貽興