有沒有做錯? – 覆妮妮

深雪﹕


您好!偶爾 o係she.com見到有呢個專欄,想
o係到問你一d意見。

我今年 24歲了,同男朋友拍左拖4年,昨日我跟他說分手了。

其實我清楚自己對佢感覺唔同 o左,種種因素,佢工作唔穩定,而我工作慢慢上軌道,做出成績來了,想一直upgrade自己。可是,一想到自己upgrade了,會跟他距離漸漸拉遠,我就害怕(佢係體力勞動工作,我則是設計行業)。

同佢拍拖 4年了,佢仍然未可以去同我計劃將來。我身邊的朋友一個一個都告訴我,他們1、2年後會結婚,而自己就仲o係到望,究竟幾時先到自己?

慢慢我 o係到諗,究竟我同佢有希望嗎?

我有同佢傾過,但佢覺得自己已經唔係轉行的年紀(佢 25歲),我亦唔想迫佢。

慢慢,我就覺得自己對佢無希望 ,感情亦都隨之變淡,呢段期間都有半年既時間。

佢係個好好 o既男仔,好專一、好豁達、好樂天做人。我同佢一齊
o既時候20歲,我好欣賞佢呢d性格。但係我依家竟然嫌棄佢,我覺得自己好差。我同佢講分開o既時候,都有簡單地表示大家o既問題,佢都了解,佢都放手,佢唔想花o左我的青春。

一諗起呢到我就唔開心,但係我對佢 o既感情已經消失o左,有時佢想拖我我都覺得慚愧。

係呢半年裡面,我同公司一個男同事因為我同男朋友 o既問題傾傾下變得熟落起來。我晚晚都同佢keep住傾MSN,好似有點曖昧又好似無。不過我的條件係吸引唔到人的,所以我相信大家係好朋友,只不過佢知我想有人陪下,而我又想有人同我傾下偈吧。咁樣令我更加覺得自己有人陪就唔怕一個人。

我係個唔靚 o既女仔,條件都唔好。我知道自己唔容易搵到下一個男朋友,但係我無理由因為呢個原因,夾硬同呢個男朋友一齊落去。

我好亂,究竟我有無做錯到?

妮妮



Dear 妮妮︰

我很佩服你,你做得很對。

你心知男朋友不是你心目中的理想類型,大家的世界又愈來愈遠,分開,是對的。就連你的男朋友都這樣想,於是,你們就和平分手。

至於你說你不漂亮,條件又一般,恐怕以後會無男朋友。這個嘛,我想告訴你,愛情,其實是一種運氣,要是你有愛情運,就會再有機會拍拖和結婚。一切,是看上天是否願意善待你。

況且,你都曾經有過男朋友,將來,再有男朋友都是正常事啊!

讀你的信時,我覺得你是個上進又清醒的女孩子,而且,你常常 upgrade你自己。就憑你這股動力和良好個性,你一定能吸引到美好的姻緣。

你願意在想清想楚後放棄男朋友,已是了不起的事。你很理智啊!

你的男同事嘛,他要是追求你,你才算吧!世界上,仍有許多男生!

你們的曖昧關係非常普遍,你不必太放上心。

告訴你吧,你的愛情問題,漂亮的女生們也常遇到。根本,在愛神面前,外表是否漂亮並不重要。你也見過街上那些外貌平凡的女性,卻拖著非常了不起的男朋友啊!

祝你受愛神眷顧,永遠聰明和幸福。



深雪覆