Xanga裡的ex – 覆21歲的青春

Zita︰


我成日都睇你俾人 o 既意見,我覺得有見地,亦都有令人反思。

我今年 21 歲,我 bf 27 歲,大家只係一齊

o 左短短 o 既 3 個月, o 岩 o 岩一齊 o 既時候,覺得大家幾夾,佢又好多野講,我又係,唔洗驚有 dead air 。

佢同我都有打 xanga (網上日記) o 既習慣,不過大家都唔俾大家睇,但係佢愈唔俾我知,我就更加要知,而我都 search 到佢

xanga ,原來佢 o 係 xanga 度話仲好 miss 佢 ex gf ,又話差 d 叫錯我做佢 ex 個名。我睇到之後即刻同佢講分手,不過因為係我偷睇佢 xanga ,我錯先,所以我只係話分手,冇講原因,不過佢都估到我睇 o 左。

佢解釋,佢話佢 ex 當初因為有第 2 個而唔要佢,佢好憎佢 ex ,佢想報復, o 係 xanga 打呢 d 野,想佢 ex 以為佢仲鐘意佢,就可以玩返佢。

我聽到呢個原因之後,我更加嬲! 27 歲人啦,仲玩埋 d 咁 o 既

o 野?!我對佢講 o 左句「如果我信你呢個原因 o 既,我會覺得你白痴同無聊!如果我唔信你 o 既,我覺得你係賤男!」佢 send o 左好多 SMS 俾我,又係咁打俾我,不過我好堅決分手。

到 o 左夜晚,佢朋友打俾我,話佢 o 地 o 係 bar ,佢又醉又喊,叫我睇睇佢。我心軟之後,過 o 左去。我見到佢醉晒,之後佢知的(我) o 黎 o 左,佢喊住同我 say sorry ,又話對我係認真之類 o 既說話。講真呀 Zita ,我咁大個女,第一次有男人 o 係大街大巷喊到口水都流,果下我幾感動,亦都心軟,之後就一齊返。

呢件事已經係 2 月頭 o 既事,我知道我一直都介懷。我好直接咁同 bf 咁講過「我好怨你,係你一次錯,令我對你冇信心。我唔識信你,我亦都唔期望有將來,我覺得一齊過已經 OK ,唔好執著將來。」



之後 o 既日子,佢對我係好好,好緊張我。有時候,我諗返起 xanga 件事,我都有分手 o 既衝動。我 o 既情緒好波動,佢都可以按(安)撫我;而當我辛苦到想分手,佢次次都喊,有次仲跪 o 係到,佢每一次 o 既眼淚都令我心痛。

我身邊既朋友多數都反對我地一齊,覺得佢錯得太離職(譜)。 Zita ,我知道自己係 care 佢,我亦都相信佢係真心,都相信佢個心係仲有佢 ex ,始終佢 xanga 度講好多 feeling ,唔似係假,真係似佢蒐(對)佢 ex o 既懷念。可惜我太執著,太怕受到傷害,所以我好刻意記住佢 o 既錯,亦都時時刻刻驚惕自己佢係信唔過,有 d 辛苦!

你教下我應該點?

21 歲的青春



Dear

21 歲的青春 ︰

我覺得他好愛你,而且,對你非常之激情。

而你,就要學習不要太霸道,要放開些。

他對前度情人仍有眷戀,是十分正常的事,許多男人都放不下舊情。然而,這種所謂舊情,又只是男人的無謂幻想,男人以念念不忘舊愛來印証自己是情聖。

他肯為你哭泣、瘋狂、遷就、改變,就已是深愛你的表現。你對他的懲罰已足夠了,再懲罰他下去,就變成懲罰你自己。

假以時日,你就會成為他的畢生最愛。但你必需給你倆繼續愉快健康的發展機會和空間。

男人的愛情心理是複雜的,他們喜歡以「數目」來滿足自己,就算他是忠心漢子,都愛把前度情人放在心中口中,用意是,讓他自己以為,他有多過一個的情人。這有何滿足感?這讓笨笨的男人有情聖 feel 囉!

當你了解男人這種笨拙的思想後,你就不會再怪責他們處理前度情人的手法。



深雪覆