姊弟戀 – 覆Beauty

深雪小姐︰


你好。我是一個 34 歲的女子,但思想同我年齡不符,所以人生中時常做錯事。

我和一個年紀少我 9 年的男子拍了拖 1 年 8 個月,於 11 月頭分了手。我們的開始,受盡身邊人反對,主要當然是大家 o 既年齡差距,但係愛情係無得解釋 o 既 o 野,我自己同佢,亦無諗過會發展到咁,但有左感覺後,可以講係唔屈服 o 係世俗眼光之下,點都要由愛火燃燒,就去開始。

開始時,一切都很美好。我已第 4 次拍拖,但呢一次拍拖,我同身邊 o 既朋友都講,我覺得我呢次先知咩叫愛情,真係好甜蜜,見少一刻都辛苦咁。佢對我亦都係,記得那時他返夜更,半夜兩三點放工,都要出來找我。由他公司到我家要 1 個鐘的車程,那時我自己搬左出
o 黎住,又剛剛未有工作,所以很自由的享受拍拖生活。他不是好多人誤會那種,每次上來都是要和我那個,並不是,很多時他真是上來哄哄我,抱抱我,傾一陣計(偈)就擁著我睡,沒有那個,因為他實在很累,而他真的是為想見我多一會而捱夜上來看我,總之,一切都很好 。

但今年 2 月,經歷了我們第一次分手,原因簡單來說,是我的性格問題,我唔喜歡他去街,我一直都唔知自己咩原因,其實我唔係唔信佢,但後來我想過,到今次要再分手,我明白可能是我年紀問題,自信不足,總認為他要識女仔易得很,他身邊會有很多和他年紀相約(若)的女仔。那次是為了他要去和舊同學唱 K ,我唔想他去而大吵,仲話「你一入去 K 房就分手」,呢次 o 既事我知自己好唔

o 岩,而佢當然係因為咁就同我分手,因為佢覺得我太蠻太管佢,更甚 o 既係佢受不了我郁下說分手(因為我唔係第一次嗌交就話分手),但當然我無一次係想分。

而呢次 o 既事亦令我知道自己有呢個問題,我果( o 個)段時間仍經常有找他,向他認錯,並保證不會再隨便說分手。他初時都是很強硬就分了,但不知怎的兩星期後他說再和我一起,但要 3 個月後,其實到而家我都唔知點解要 3 個月,但那刻我反而向他要求沒可能,感情還熱時為甚麼要攤 3 個月時間令佢變凍?我覺得很折磨,結果我拗嬴了,我和他於那晚復合。

之後的日子,都很好,只是時有小拗撬,但我以為是正常的。到 9 月起,他開始多了街去,我們這個問題又出現了。他一話要出街,我就會「 EE 哦哦」,但我唔會話唔俾去。而自從上次分手後,我對他說話不會大聲,因我怕他話我蠻話我無改過。到 10 月 31 日,他說那晚要和同事做 gym ,而我發脾氣的原因是我最近都無聽過佢要做 gym ,總之,電話中我很多問題和有怨言,到後來傾到他不發聲,甚至我 feel 到他已拔走了 handfree ,即係唔聽我講咩。我知佢嬲同發脾氣,之後我 cut 線。隔 o 左一陣我再打俾佢,佢已唔聽電話,我 SMS 佢唔覆,到半夜 3 點佢打 o 黎,同我講要分手。

到現在我們分開了差不多兩個月,我很傷心很不捨,我是很愛他,但我知我是唔 o 岩,我太唔信佢太管佢,一個咁 o 既 age 男仔,點都需要出去玩下,但係同佢開始時,佢自己同我講佢唔鐘(鍾)意玩,只有陪我就夠。我就係太幼稚,成日記住呢 D 。其實熱戀 o 既時候講 o 既 o 野,是不是可以當無聽過?

我 D 朋友係咁同我講,到而家我點知錯都無用,佢唔再俾機會我。由初初分手時都仲聽我電話,好好地傾計(偈),但到後來有一天他突然 SMS 我,叫我以後唔好再搵佢;分手初時是他說想做返朋友,不其(期)然令我想到,他是不是已有新女友,我很傷心很不甘,幾日後打俾佢,佢同我講 o 左好多難聽 o 既說話,係我識佢咁耐都唔會用 o 既態度同語氣,問佢咩都話「關你咩事」,之後竟然同我講「你成日想知點解今次一次(定)要分手嘛,我話你知,我已 delete 晒你 o 既相,我一早追左個女同事,未同你分時我已經帶佢返屋企上床,平時話你知收工返屋企訓係同人去街玩玩到唔訓 o 黎陪人,我使唔使話你知?」,又話佢而家好鐘(鍾)意呢個女仔,又話個女仔唔鐘(鍾)意我再搵佢等等 。 我好痛、好痛,唔敢相信自己聽到

o 既
o 野。總之果( o 個)個電話之後,大家無再聯絡。

深雪小姐,我好唔明,我一直同佢都好好,之前一直都未有任何異樣,佢 11 月中放大假都同我講睇下我可唔可以請到幾日陪佢,而我都係 o 係 10 月 31 日同老細申請左放 3 日假,佢仲提過或者搵兩日去澳門玩,點解會咁?就算係呢場交,佢真係認為我好難頂想分開都好,點解要咁對我?點解要咁同我講 o 野?究竟係真定係假?之後果( o 個)晚佢 delete 左我 MSN ,第二日轉埋 tel no 。

我好想知點解,你可唔可以解答到我?我呢段時間每日都好痛苦,佢咁對我但我仍忘記唔到同佢一齊開心 o 既時刻,想唔通,做甚麼都提唔起勁,到近來,因為一些事,我地都仲有聯絡,我問返佢究竟佢講 o 既 o 野係唔係真,佢有一天同我講,唔係,全部係作出 o 黎,因為佢想我唔好再搵佢,唔好再問可唔可以再一齊返,想我死心,但,我個心一樣係咁痛。幾個月前仲同我講結婚抽屋 。

我好苦惱,希望你可以給我一些意見,很感激!

Beauty




Dear

Beauty

你已經第 4 次拍拖了,男女間的事你還看不透?

第一,真正控制男人的方法就是給他適度自由,你愈表現輕鬆、唔緊張,他就愈想你去緊張。

你已經比他年長,還要似個阿媽?試問,他怎會像愛小情人般寵愛你?

第二,安全感是自己給自己的,你比他年長 9 歲,但他既然都對你認真,你就忘記當中差距吧。下次拍拖,無論他是何許人、幾多歲,你都要忘記,唯一要記住的是,好好去享受相愛的每一刻,不要憂慮,不要擔心將來。

第三,這個男人是敢愛敢恨型,他敢去投入愛你,也敢去全盤放棄你。而且,當他肯定了自己愛上另一個時,會要求你完全消失。很好哇,他沒有拖累你的意思。你應該感激他的絕情。

你要知道,愛情會死,人也會變。你肯接受這些信念,下一次,你就能愛得輕巧些,對方又會舒服些,結局就會因此完全不同。

你死心啦,放下他,吸取教訓後,好好潔淨自己,等待下一次。