不願意溝通 – 覆困擾的人

深雪︰

你好。我是你的長期讀者,很欣賞你的文筆及智慧,希望得能得到你的寶貴意見。

我和男友已拍拖 4年,已離合數次,但很多問題未能解決,不知如果(何)處理。他在大陸出世,10幾歲才來港,所以是很大男人及要面子的。我今年26,他大我8年,頭兩三年是同居,跟住佢上大陸工作,逢星期六日才會見面。

一直以來,我們都不是太多話題。他是一個不懂溝通及將心事都會放在心裡的人,就算我做了一些事令他唔鍾意,他都要成個月個後飲醉酒才會同我講。在一起食飯時都無咩話題,我自己諗多 d話題同佢講啦、講下d鎖醉(碎)事、新閒(聞)呀,他都係一句起兩句止,有時更無回應,或者會話「唔講依d野呀」。

我覺得溝通是兩方面去維繫,找他討論相處問題,他就回應,同我都無野講。我講 o既野佢無興趣聽,佢亦唔想講佢o既野,無話題都可以一起架,做咩要迫佢講野,要佢做依樣果樣呢?

佢叫我企佢角度去諗,佢工作都很(大)壓力,唔好成日煩佢,咁我話無溝通點得呀?我想多 d溝通o者,又唔係要d咩o野,有心去溝通點無o野講呀?講下新聞、閒事都得o者,都咁耐啦。我真係好想同佢關係好d,對對方可以關心多d。有時每日講兩句就可以,唔好拎住個話(話)無o野講,佢心情唔好,唔好語氣同我講「無o野講」就收線,真係很難受呀

同他講我好無安全感,佢話我無自信,咩安全感唔係佢比我咩?問佢有無想過同我結婚,佢話佢想,不過佢好驚,有 d問題未能解決、相處和溝通,唔想結完又離,佢叫我睇多d書去令話題多d思維好d,佢不覺得自己溝通有問題。他無咩讀過書,唔識英文及電腦,佢問我o個時,我會好比心機去教他,無笑過佢;反而仲要話我思想低過佢溝通唔到,又成話我唔打扮、唔肯洗錢買衫,佢著衫都係麻麻地,但對我要求很高,有時黑晒面話我著得唔好睇,其實我不是那麼差,品味一般啦,但不是無要求,喜歡簡單不太花巧的衣著,覺得不需要太奢侈,買件衫又要幾百、買對鞋又要成千,月薪都係8000零o者,貴o既衣物有少少便夠了。

我真的不懂去處理我們的問題,不知怎才能夠關係好 d,是他難相處定話係我性格有問題呢?請你幫幫我呀?十分感謝你!

困擾的人



Dear

困擾的人

首先,在溝通方面,他一定不會配合你,他會繼續無反應、不愛對你說話、聽而不聞。

也許,你可以把想說的話寫信告訴他,這樣子,你找到溝通的渠道,他又能明白你的思想,更好的是,他可以選擇時間、方式去回應你。

但當然,無論你用甚麼方法,他到頭來,都可能不想、不屑去和你溝通。你應該好了解他的為人吧!

他挑剔你的那些事,可能根本就是他想挑剔,你也說,他由內地來港,而你在許多知識方面都比他好,因而,他覺得自己比你差,所以,故意挑剔你讓你難過。而我亦懷疑,這也是他不願與你溝通的原因。

這樣吧,若然你發現情況無改善,而你又已經忍到無可再忍了,你可以分手。你也明白的吧,身邊的朋友的男友都懂得與女朋友溝通,又常常稱讚女朋友,無理由,你不能有這種好男友。

有些男人非常大男人,你有些少叻過他們,他們就會覺得受威協,然後,就完全不想對你好。




深雪覆