漠視需要 – 覆煩人

深雪︰


希望你可以解決我的煩惱。

我有一個交往了 4 年的男友,曾經分開過一次,佢對我唔算好,又未至於差。不過,我想要的他總是無法滿足我,譬如,最基本的,關心我,支恃我。試過,我睡睡下覺,無端端好唔舒服,叫佢同我去醫院,佢都以明天要上班為理由拒絕我。幾個月前,我放棄了工作,去讀學位課程,佢由始至終都無支持過我,或者幫我,只係叫我自己想清楚去決定。

以前上班時,我的世界就係佢,我的朋友即係佢的,放工,就馬上回家幫他打理細務。

我 17 歲時識佢,分手時,我更加要患上抑鬱証(症),要見精神科醫生接受治療,其後,佢得知就再同我復合,最近,佢更加向我提出結婚的想法,但被我讀書為由婉拒了。

其後,問題出現了,我在學校內認識了一個 professor ,佢很年輕,很上進,基於其他理由,我經常跟他獨處,午飯。我更發現,佢對我似乎滿有意思的,因為佢經常猜度我,我亦看到,佢帶朋友見我,而佢朋友亦給了我很多提示。

問題係,以我所見,佢可以接觸的女性有很多,以他的學歷,條件,又怎會看得上我?我好怕再次陷入僵局,我亦很擔心,佢只係玩玩下。

另一方面,我又放不下一段我花了咁多心血的感情,我有時都分唔清是否仍深愛佢,還是安於現狀所以才不想放開。我覺得,同佢一齊感覺好孤單,因為佢從來漠視我的需要。

朋友說, 4 年,感情開始變淡是理所當然的。到底是否我要求過高?

希望你可以解我困局。

煩人



Dear

煩人

你的那位男朋友完全不愛你,就算他愛你,那種愛都是自私的、不付出的。

你自己都知道,男朋友對你無支持,也無足夠的關心。現在又不是叫你盲婚啞嫁,因何你要忍受他?

感情會變淡,然而,淡了之後都仍然會愛護對方。你問心,你的男朋友做得到嗎?

至於那個教授,他沒正式追求你的話,你大可以不理會他。到他真正追求你,你才考慮清楚他。

你有沒有想過,單身的話,你也能自己愛自己?

都未結婚,已經大有不滿,你可以想象結婚後會有多糟糕嗎?



深雪覆