小家小器的男人 – 覆可憐人

Dear Zita︰


你好!我經想看這個專欄。你的意見很中肯,所以希望我的煩惱你也能幫上忙!

我跟我的男朋友拍拖只是短短 3 個月,但甜蜜期只是維持頭 1 個月,之後就經常吵架。我同佢都是同年( 26 歲),但佢今次是第 1 次拍拖,不知是否此原因,我覺得佢不懂得跟女友相處。最初,佢追我的時後我覺得佢好細心、對我好好,但其實我當時只當佢係朋友,同佢一齊都係因為想拍拖。佢由追我到拍拖都沒有送過任何小禮物俾我,我每次問佢,佢都話我都冇送禮物俾佢。我真的很生氣,男人點可以咁講?當初係佢追我,有何理由要我送佢禮物?


之後拍拖個半月,我發覺佢好小家,成日同我投訴話冇錢,有 d 埋怨每次出街都係佢俾錢。但我當時在失業中,而且我周不時都會俾下戲飛錢,之後我地就吵了一場。後來佢話佢真的經濟有問題,於是我也體諒佢,唔再成日出街及食飯也選便宜的。

自那次吵架後,我覺得佢冇咁愛我。窩心的 SMS 沒有了、每次出街佢都話累,但轉頭就叫我陪佢去機舖打機。我當時很生氣,但我忍住了。佢話打機係佢其中一種休息方法(何其荒謬)。之後,佢話累,我就提議見少 d ,等佢放工返屋企休息下,佢竟然話約了朋友去打牌!我當下就跟佢吵了一場,我真的很生氣!但最嬲係接下來的日子。

有時,我們拍拖玩夜 o 左,我真的有些累,就跟佢話我有 d 累,點知佢竟然話返我,投訴佢話累就唔得,我說就可以。跟住一有機會就會數落我,佢每次抽我後腳我就好嬲,跟住又會嘈交,而且佢仲要唔搵我幾日。成日就因為咁而嘈,佢就話係我搵交鬧。

當初我揀佢,係覺得佢愛我多過我愛佢。蹤(縱)使佢冇乜條件,我諗住佢對我好就得!但發展到而家,點解會咁?

我實在容忍唔到一個小器過我的男人!

可憐人



Dear

可憐人

問題何只出於他一個人身上?

你的最大錯誤就是,當初揀他的原因。你自己說,你當初揀他,是因為他愛你多過你愛他,你只想揀個對你好的。

你這種要求對方付出多過你付出的態度,錯得很。

只有一種愛情能順利發展:互相相愛。

而你,由一開始就立心被愛而不是去愛,那麼,當然就由喜劇變悲劇。

你知道他不體貼的原因嗎?因為,他知道,你根本不愛他。

就算條件再差的男人,都想找個真心愛自己的女朋友,而他,很快就知道你根本不會愛他,於是,他也無法愛你。

我提議你們分手。然後,你找一個你真正看得起、真正喜歡、真正佩服的男人去拍拖。當這個男人知道你真心喜歡他,他也會真心待你好。

你現任男朋友心知你內心有一角在看小他,這樣子,他永遠不會在你面前快樂起來,也永遠不會懂得對你好。

一個小家小器的男人其實可以改變的,不過,就需要遇上一個用愛來改變他的女人。

而我一向認為,女人,該揀一個條件較自己好的男人,那麼,你會容易愛上他,他也會容易對你體貼。



深雪覆