愛我多點 – 覆Nana

Dear Zita ︰

惱自己愛的人係好難過!唔知幾時我變得咁軟弱,咁容易哭,佢(男朋友)一言一語完完全全影響我情緒、心情 ?

無理取鬧,只是想佢 care 、陪我多 d 、逗我開心。有時怕他工作太忙,不想要他再煩拍拖時要到那裡的小事纏繞,往往我會做資料搜集,有時會選看電影,去哪裡吃飯、逛逛。只係希望情人節會特別少少,但唔通連情人節、生日當天做咩都要自己安排?所以我就發脾氣 ?

但唔係咩都比我話事,我就會開心!

發脾氣,自己都唔好受、好唔開心。你說過男人,都會為女人付出過的時間感動。我希望除此之外,真的懂得珍惜、愛我!

我知道佢都鍾意我,但有幾愛,我唔知。我係佢心目中都重要,但一定唔係第一、二,佢將工作、家人排一、二 ?

男朋友好有上進心,讀 master (我就大學生)。我真的不敢奢想改變佢,佢比較大男人,唔鍾意我同男仔出街,我亦聽從。朋友說一個願打一個願捱,我樂於這樣做,百分百好女友!

我真的很愛他,佢對我亦 OK ,而且佢一家人對我好好,有時出街食飯都會叫埋我,好似一家人咁。

我跟他拍拖兩年了,雖然我得 22 ,佢 25 ,但我希望過幾年,同佢結婚。

最近我對他要求多了、埋怨多了、爭執多了。有朋友叫我搵過鍾意我多 D ,或者無條件愛他,接受他的所有。

我想佢更愛我,但我可以點做?

Regards,

Nana



Dear

Nana︰

我覺得你的男朋友很好呀!

上進、對你不錯,他的家人又接受你。

但你想要一個呵護你的男朋友,對不對?

那些男孩子市面上有很多,可是,未必上進、未必叻過你、未必介紹家人給你認識、未必忠心 ?

其實,與誰一起,都會有問題。世上不會有無問題的戀情。

你要愛他愛他愛他,以愛他為這段情的宗旨,這樣子,你就會覺得舒服點。

他很忙,又有工作野心,這種男人,會希望得到一名願意付出愛的無私妻子。

我想告訴你,很多能幹的男人都不體貼;而極體貼的男人多數無事業。

你問問自己,你究竟想要些甚麼?

當你覺得不夠被愛之時,就看一本愛情小說、看愛情電影吧。

要是你不離開,就要自救。



深雪覆