玩樂男友 – 覆SL

Dear 深雪︰


你好,我有一個急需解決的問題,身邊無朋友可以比到一點意見我,希望你可以幫到我啦。

我同他一起 5 年了,大家亦是同年紀,現在 24 歲。 3 年前我地已經註冊,但未正式向親友公開,所以亦未擺酒,只有我和他的家人知道,我們現在並且一起供樓。

他 1 年前轉工,到了另一間公司,識到很多同事,他同 d 同事很 fd 。他首先識左 A 小姐, A 小姐大他 12 年,他們只是姊弟的感情,所

以他將我地的事講左比 A 小姐知。因 A 小姐曾經離婚,當 A 小姐知道我地 21 歲註冊,便對他說唸(諗)清楚未,因我地一直都有儲錢習慣,他一直都覺得很辛苦(他係個好多節目的人,運動、行街、睇戲、食飯、公司節目...... 樣樣都o岩),可能 o 個排儲錢有 D 吃力, o 個排成日逃避我出去玩(因我那時失業,其實想佢陪多 d )。

有一日,我質問他為何唔陪我,終於他說了出來,我問他有冇唸(諗)過離婚,初時話冇,後來話有,聽到後我真係好傷心。雖然最後他說係佢唸 Y (歪)左,最後我地冇分開到,並唔係一句解釋就當劃一個句號,但呢件事永遠 o 係我心中永遠有一條刺!

就因為呢件事,原本我對佢的信心亦大大降低。之後,我地並再冇儲錢了,他之後都有 d 揮霍,我亦有工作了,因他是文職,我現在都係做文職,以為大家相聚時間會多 d ,但其實冇變(因我以前是做零售)。到現在為止,他亦經常有節目,而我就成日 o 係屋企,我只見個他 2 個同事。

我亦有要求過叫他帶埋我出去,我並不是次次都想跟他出去,只是想見下他 d 同事朋友,最少都要見一次啦,起碼佢同我講的時候,我都知係邊個啦。他告訴我並唔係唔想帶我去,係因為他的男同事唔興帶女友出黎,同埋他對同事唔同對我,又話對 d 同事有 d 虛偽,又話驚我睇唔慣(大部份同他 fd 的同事都係單身,有男有女)。

試過有一次,他和同事去唱 K ,女同事 B 小姐飲醉左, d 男同事都有去扶�揹 B 小姐,唯獨他唔敢去幫 B 小姐,可能他怕比我知道啦。其他女同事見狀,逼令他去幫手揹她,他只好接受。幾日後,他坦誠相告,我都有少少唔開心啦。因我覺得 B 小姐明知自己唔飲得,但又飲醉,比咁多男同事有咁多身體接觸,她大我兩、三年,一 d 都唔識保護自己!

他親戚有時都有一些興(慶)祝活動,因他媽咪口疏,所以有 d 親戚知道我地註冊,他亦冇打算帶我去,他大部份親戚我亦未見過。他解釋他很要面子,他的表哥是醫生、律師,又話比佢 d 親戚見左我之後,新年的時候都唔知派唔派利是好。

他驚比人笑早結婚,所以他很少同人講。他說最少等到 27 歲擺酒先公開,依家我只係一直等,我覺得對我有D唔公平!

我母親知佢成日出去玩,唔陪我,話佢唔珍惜我,叫我搬走!我亦分唔清到底問題在於誰身上,我只係覺得佢玩完先返 o 黎搵我,但我真係覺得他玩得太多了,他又屢勸不改,他話已經減少左,但我真係有呢一種感覺--寂寞。

依家每次我一個人 o 係屋企,他又夜返,我就會好嬲,又會發他脾氣,亦多次有離開他的念頭,我真的要聽我母親說搬走嗎?

希望你可以幫到我啦!

SL



Dear

SL︰

廿多歲的男孩子愛玩愛浦很正常。其實,你這年紀的女孩應該也愛玩呀!只是你比較戀家。

他和你已註冊,穩定關係對他來說可能有壓力,讓他自覺與其他同齡朋友有距離。於是,更想以玩樂來逃避。

我的建議是,他愛玩嘛,不如你都一樣,找些朋友出去玩玩,找些屬於你的興趣。他又無第三者,你們根本無理由分手,你更加無可能禁止他去玩。

他這種性格,就算擺了酒之後,一樣會是個愛玩的老公。

他改變不了,你唯有改變你自己。

至於他不帶你出去玩這問題,你更加無法改變。都是這一句,不如,你也找些活動自己玩,同時候不帶他去,看看他有甚麼反應。



深雪覆