距離感 – 覆怕失去男友的人

Dear Zita︰


我同我男朋友一齊左岩岩兩個星期,佢係我上司,大我 5 年,而我暗戀左佢其實都有 9 個月有多。

一齊之前,大家除左同事之外,仲會以好朋友(身份)交往,大家有咩唔開心都會同對方傾訴,而我對佢過去拍拖的 history 都算幾清楚,更加知道佢係個幾重視感覺的人,除(隨)時冇左感覺就會同對方分手那類人!

一齊之後一個星期,佢工作上比以前更忙碌,但加班後會致電給我,每次都會傾大半個鐘,

但大家發生左關係後,我唔知自己敏感抑或是當男人忙碌時,女人就會被拋下,佢加班後仍會致電我,但講左十多分鐘後就收線,而且好似大家愈黎愈冇野講 ? 冇(無)論假期,佢都要工作,只會到夜晚才致電我,有時他知道我獨自在街上,都會叫我早 d 番(返)屋企,但佢冇 care 我最後有冇安全抵家!

終於都同佢傾,佢坦白講出佢對我暫時只有中(鍾)意的感覺, still not yet love?咩方法可以令對方由中(鍾)意去到愛自己?當然,將自己第一次交給對方,聽到對方只係中(鍾)意自己,那種感覺係唔好受,但係我真係好想於佢忙碌中,令佢感覺到我懂得體諒佢、安慰同支持佢,究竟點樣先可以表達到比佢知道,例如實則(質)的行動? ( 我 send 過幾次 SMS 表達,可惜冇 reply ! ) ,而且點解一齊之後,話題反而比以前少?我應該點做?請你教下我!

怕失去男友的人




Dear

怕失去男友的人

這種情況,是男人需要距離感。

因為他是你的同事,我猜,他斷不敢對你抱遊戲心態。

這樣吧,請採用女人最好的策略:疏離。

不找他,不給他 SMS ,當他找你,你遲半天才回覆。說電話時是你先說收線;約會時,你主動中斷約會回家,先說 bye bye 的一定是你。

總之,你令他覺得可能失去你,就會緊張你。

他已與你發生了關係,不會忍受就此失去你這個明知可以發生更多晚關係的女人。



深雪覆