有緣無份 – 覆YY

深雪︰


你好!

我從未試過用這種方式去同人傾訴,但我今日無意中看到這個發言區而我又真係好唔開心,有 d 問題我一直都無能力解決到。

一段四年的感情,他可以說是我的初戀男友。早在十年前巳(已)經認識亦曾經一齊過,但 只係短短幾個月。後來因為某些原因分開了,之後亦失去聯絡,很多年後我們在街上撞到,大家出去食過一次飯,當時我有男朋友,我沒有和他保持聯絡。


時間再過一年多,我亦轉了工,又再次撞到佢。就在四年前我們又再次走在一起。初初好開心,但後來我覺得佢有女朋友,佢亦承認了,之後我們試過分開,後來我在街上撞到一個朋友,她是我的舊同學亦認識這個男人,大家講起佢(這個男人比我大八年,是經這個女同學而認識的),她對我說上年去飲佢結婚酒。我即呆了,當然我最後仍然與這個男人一起,到現在為止巳(已)經四年了。

三年前巳(已)知道她有老婆,這個男人亦曾經試過為我搬走,不過只是一個星期,後來又回到她老婆身邊。佢每次都叫我等,叫我比 d 時間佢,因為佢老婆知道有我存在,一定會爭到底,要生要死又煩到佢家人,佢話想好來好去,但巳(已)經四年了,當中每一次到約定時間前,我們都吵架,他一次又一次失約,我們亦分開過無數次,分開的時間由幾個星期至幾個月不等,但每次分開,他都會有意無意在節日送花或致電給我,令我無辦法忘記佢,所以我們一次又一次再走在一起。佢每次都話好掛住我,但當我同佢一齊,我見到既係佢經常都要陪伴住佢老婆,而且亦對佢老婆好好,但佢話唔係,佢話佢巳(已)經唔愛佢老婆,佢都好想走,好想同我一齊,但眼見到既根本唔係咁。

在 04 年頭,我同佢分開了四個月,佢突然 send msg 給我亦到了我公司附近,我亦出了去見佢。之後佢話想同我去旅行,佢亦答應佢真係會離婚,但過了兩個星期多,佢突然說佢老婆剛剛有了 BB ,我們沒有去旅行,亦分開了。

之後再過幾個月,在我生日的時候,佢又送花給我,用無來電顯示打了幾個電話給我,但我沒有接,亦沒有回覆,我知道係佢。再過多兩個星期,我半夜突然好掛住佢,我 call了佢出來,我們又再一齊。佢話佢放唔低佢都好掛住我,佢答應 BB 出世後,安定好所有事就離會離開佢老婆同我一齊,叫我再等多一段時間。我話到時你就會唔捨得,但佢堅持話佢唔會,佢話只要佢老婆有了寄托和不知道有我,就不會亂來,咁佢就可以走。

上個月 BB 出世了,一切和我意料的一樣,他不知真忙還是假忙,我們見面講電話的時間實在很少很少,早在佢老婆就快生 BB 前的一個月,我們見面的時間巳(已)開始愈來愈少,亦因此經常吵架,他說這段時間不想有甚麼意外,待 BB 出世後就會多些時間,但結果他更忙。一個星期都見唔到一日,一個星期講電話的時間加埋都唔夠半個鐘。

我還需要這段情嗎?我真係好想佢同我講一句「唔要我啦,唔愛我。」但每次問佢還需要我等嗎?佢就會答︰「我咪講好左囉,安排好晒就會走。」佢話我成日都比好多問題佢,佢唔鍾意人經常(煩)佢,但我再感覺唔到我們之間存在「愛」。佢唔放手,我又放唔低,我真係唔知我可以點樣 , 。我曾經好愛佢,但而家除了愛亦有好多好多令我討厭,感情戀(變)?,但我仍然好想去改變。

而家我同佢無話題,唔知可以同佢講乜,係咪真係要我開口去完結呢段感情呢?我覺過去幾年好倦,真係好倦。我唔開心傷心的程度我形容唔到呀,以前我係一個好開心的人,但呢幾年,我好似失去了自己。究竟我係咪要放低啦?呢段感情係咪再(冇)可能?上天既然一次又一次令我們在走埋一齊,如果係有緣無份,點解又要遇上咁多次呢?

YY


Dear

YY︰

既然大家都無「愛」存在,你們所受的苦,只代表折磨、自我虐待。

誰會愛得這樣辛苦?他有老婆、有小孩、三番四次食言 ? 全世界,就只有你一人會信他。

他騙你,你就自己騙自己,其實,也可說是天生一對。

與他講清楚吧!!放生他,也放生你自己。

其實,你不與他分手,他也會與你分手。他的妻子孩子,看來比你重要得多。在他的角度而言,情婦,是活該受罪受苦的。你不想受苦?他就覺得你不稱職。

你自己走,好過他趕你走。

深雪覆