異地戀情 – 覆螢螢

Hi Zita︰

其實我之前都send過email比你,可能有太多讀者send比你,所以未能抽中!麻煩到妳真係唔好意思!

我自己都有一個疑惑的間(問)題已經六個多月,真的希望妳能給我意見。我有一個拍左拖四年的男朋友,上一年佢決定到外國讀書,為了離別之苦,一個月後我亦去左陪佢半年。呢段日子大家相處總算愉快(其間發生左一個問題,佢原本打算同我結婚,但後來佢話未考慮清楚,當時我係有唔開心,但我終於都想通,眼見佢又要返工又返學,確實辛苦,婚事可以遲些再說)。


半年時間好快就過,由於我的簽証到期,我只好獨自回港!問題就發生了,原本我地都有互相聯落(絡),過了一個月,佢的電話開始飛去留言,打去屋企佢亦時時不在家,有一次我終於忍唔住問佢係咪已經識了新女朋友,佢當然話唔係,佢話我對佢冇信心,時時用質疑佢的口吻令佢覺得好大壓力!

我知道自己用錯方式去表達我對佢的愛,比佢覺得有壓力(我決定下次大家再講電話時唔會再自私唔理佢感受)。之後的日子,佢的電話仍然冇開,只有差唔多半個月一次電話,幾個月前我有send
email同佢講我搵唔到佢時我的感受,佢亦有回覆叫我唔駛擔心,希望我可以樂觀同獨立些!上個月佢連續打左比我幾日,言語間我都冇再迫佢,只有支持佢同對佢更關心,其間我做左一個唔道得(德)的行為,我嘗試check佢email,我發現到有個女仔稱呼佢好親密,仲講左一些愛的說話,我冇問過佢,因為我仲想同佢有將來?.

近呢個月我都冇再收到佢電話喇!我亦知道佢已搬左去第二個地方,不是常在家,佢話住呢度返工返學都近些。

請問Zita,現時的處境我可以點做?

1. 佢係咪一腳踏兩船?佢知我仍然愛佢,所以仲keep住我?
2. 我其實暗中知道佢有新電話號碼,不過佢一直都冇講比我知,幾個月後我問佢點解唔肯講個新號碼我知?佢第一句就答我唔知邊個的,我再問佢就話係公司電話,佢叫我等佢打比我,或者send
email比佢,又或者打去佢屋企,佢始終都冇答我問題。
3. 定係我疑心太大?佢搬出去都係我問佢,佢自己冇同我透露過。

希望妳能比點意見我,我實在好苦惱!多謝!

祝生活愉快!

螢螢


Dear 螢螢︰

看來,這是一段不再坦白的關係。

他甚麼都不告訴你,你已感受不到那種親密。你們只差在無分手。

我建議你放輕心情,他要走要留,遲早會告訴你。

你也不必急於要分手,或許,他會重新發現你們的愛情。

他不說分手有多種原因,我不建議你去探索。

總之,如果他也開心,他會 keep 住你。他不開心,自然就會如此。

是時候練習平常心,與及以靜制動。

深雪覆