鍾意自己的老師 – 覆阿婷

 

Dear Zita,

你好。我本人今年二十一歲,我依家係一個大學生,而佢係一個大我七年既老師,但係由於佢係part-
time關係,所以我只係一星期見佢兩次左右,而佢由於開學時唔認識我,所以我每次上堂都會故意坐在第一、二行的中心位置,使他可以對自己有印象以及最基本令佢知道我個名。

時間過得好快,依家已經差不多完結下學期,而佢已經知道我個名,以及依家上佢堂時,佢都會最少問我一至兩條問題,而且他真係相當好記性,每當我一缺席上堂時,他下一堂必定在上課前,問番(返)我唔返既原因(當然我唔係成日唔返既學生啦),而我唯一依家上堂時都係比心機聽佢書,其他既事我都唔知點做喇。

而係呢件事上,我只有一位女同學知道。而係一次某一次既機會,我到左學校既校務處,我當時都唔知道佢係度,但係我好開心,因我這位女同學話我知,她看見老師一直都望著我,大約都定眼望住成六、七秒左右呀(當然我們身旁都冇其他人啦)。

而因為呢件事開始,我更加上佢堂時留意住佢,但係今次我就坐係最尾同最角位的位置,而上堂時,佢都會依然叫我答問題,之後當佢派發講義比我地時,佢會周圍望下我地學生邊個欠漏,而他這一刻,我與同學都看見他刻意360度向後望我有冇漏左,還有他當我們學生在抄緊notes時,當時坐係椅上既佢原來佢係度望住我,而當佢睇見我望到佢後,立刻閃避我既眼神,扮看其他既野,最後當佢落堂既時候,我就扮作看不到佢,而佢臨離開門前都有望住我。

而本身喜歡佢既我,就更加鐘意佢呀,但係依家都就學期完喇,我估計出年是很困難再遇見佢,所以我唔知點樣做好,更加上我又唔知佢有冇女朋友,佢咁樣既表現,係唔係對我有好感呢?你可否給予意見我怎樣做嗎?謝謝你。


煩惱的阿婷




Dear 阿婷:

我不肯定老師對你的心意。但我肯定的是,你可以趁暑假追求他。

追求老師,當然以討論下學年的課程為中心,約他出來,順便傾閒偈,到時候你便會更明確地猜透他的心意。

但我也想你知道,老師也有壞人,讀過書的不一定是好人。你要有judgment,知不知道?

深雪覆