沒有做傻事 – 覆開心人

 

Hi Zita︰

你好!我和我以前個男朋友係由中學已經認識,佢追左我已經有七、八年。我地係兩年半前先開始拍拖,我地既關係一直都好好,一年都會去好多地方旅行。直到上年既十一月佢叫我同佢搬出去同佢住,我應承左佢,好好地住左一排。直到十二月聖誕節前,佢去完泰國返黎之後就360變晒,變得好冷淡,令我好懷疑佢有左第二個。我好唔開心,好想死!


之後,我問左佢好多次佢都話冇事,唔係有第二個。兩個人既關係愈來愈淡,我覺得好辛苦。直到今年年頭我地分開左,我選擇放手,再落去大家都冇結果。最後大家搬走時,大家講清楚,佢最終講俾我知原因係佢覺得原諒唔到自己,係因為佢明明有時間都唔想陪我,因為一個星期我地只有星期五、六先至會見到,好standard。佢冇話平時會約我去街、睇戲或者食飯,係都係我買埋飛係戲院門口等佢或者等埋位同佢食飯。每日都係佢打電話俾我,我唔打電話俾佢係因為怕阻住佢工作(佢係做salesman)。我唔係好似有D女仔咁成日都要check住個男朋友去左邊,同D乜人去,去到幾點返屋企,我覺得倆個人一齊大家都講個信字,我會好放心!
可能我都係比較男仔頭,思想好似男仔咁,唔想太過管住佢,想俾多D自由俾大家, 就算可以早放工都係會同同事去飲野。佢同我講佢可以早放工都唔想返屋企,因為一放工就要打電話俾我,佢唔想!我都唔明點解,係我放得佢太遠?定係我唔好啦?

之前我仲好想同佢起番(返)埋一齊,係因為我唔甘心。早排我有找過佢,佢同我講佢已經同個女仔拍拖,我真係好開心,係因為我放下心頭大石啦!我得到最後答案。不過我一直都冇嬲佢,但係我唔可以同佢再做朋友。

分手之後既生活,我覺得好開心。原來我兩年半同佢一齊過既日子係好似完全冇拍過拖。我冇乜玩過,放工只有返屋企。原來我為左佢係兩年前完全變左另外一個人。我而家先至找番(返)原來既我,好彩我冇死到,我希望大家就算為左情都唔好做傻事,係唔值得,要珍惜生命!

Thx!


開心人




Dear 開心人︰

你的態度好正確。失戀,為甚麼要去死?愛情,只是生活的一部分,你的生命,一定矜貴過拋棄你的人的生命。

記住,永遠是你自己最矜貴。

不過,也不必太恨他。一段關係,如果他認為「錯」,對你來說,也一定不會是「對」。因此,他放棄你,是正確的。

你會迷惘,為何當初極愛你的人,會忽然變心,但愛情,根本就是變數。愛情有自己的生命,它要生它要死,你沒奈何。

深雪覆