做回朋友 – 覆Riko

 

深雪︰

你好!我係之前寫過信俾你,上次我話我同我男朋友再次一齊,但他對我忽冷忽熱
,經常講其他女仔去激我,最後我覺得自己再對佢好,他都不會領情,只係覺得我對佢好係理所當然既事,所以我便向他提出分手,因為我認為如果佢仲愛我,佢會再次搵我,如果佢唔愛我,咁我找另一個更愛自己既人會更好。但點都好,我

都好多謝佢曾經俾我快樂,關心過我,所以我想寫封信感謝佢。

雖然大家不再是情侶,但我都想同佢做朋友,因為當初相識時大家好投緣,找到一個男仔與自己投緣是不容易的,我希望佢可以入大學。另外,我唔想佢話因為我唔珍惜佢而令大家分手,因為我係覺得佢唔愛,我先想同佢分手的,我想向佢表明我曾經有珍惜過大家既感情,所以唔想佢有誤會,最後只想同佢講現在的我過得很好,不需要擔心我!

請問你同意我寫這封信給他嗎?我害怕他會取笑我,所以想問問你的意見!請幫忙!


Riko




Dear Riko︰

傾吐心事是美妙的,對愛人坦白亦是美麗的事,你不用擔心他會怎樣看你,你的目的不外是想他更了解你,對嗎?

只是你要預計,他看完信之後會無反應。如果真是這樣,你也只好由得他。

分手之後能否做成朋友,一切看感覺與機緣。我相信,仍有愛意反而做不成。就算是朋友,都只是普通朋友。

深雪覆

 

advertisement
Something is wrong.
Instagram token error.