當自己遊樂場 – 覆Lily

Zita︰

你好啊,我有個問題想請教你,希望你能夠幫我解答。

我今年20歲,係九月份,我識左個男人,佢大我12年。佢係我由細到大心目中想穩(找)的男人、高大、斯文、而且仲有少少肥肥地。記得第一次見佢,我已經feel到佢對佢有好感,但我無理會到。我同佢係於一

次玩當中透過朋友介紹認識的,但個朋友唔係好熟,我好記得個朋友同我講話佢好咸濕。過左兩日後,佢開始穩(找)我出去,我都有去,有一次同佢去沙灘,好浪漫,但仲未同佢一齊的。

跟住我地去山頂,係部車度傾計,後來佢錫我,我無拒絕,就咁我地就一齊啦。好快我同佢發生左關係,佢係一個要成日返大陸做野的人,兩邊的地方都成日上上落落,特別係周末,佢都好少係香港。朋友都同我講,佢一定有女人,其實我又點會feel唔到,但係我鐘(鍾)意佢嘛。基本上識佢到依家都未試過同佢行過街,凈係夜晚10幾後先會見(之前我有返工,有時收9點有時收11點),仲要係一星期見1、2次,同人講話我拍拖都未必信。佢成日話佢好忙,因為依家年底一定要搞埋D手尾,做完所有野就會抽多D時間陪我。就算出去佢都好少拖我隻手(佢生得高大,而我比較細粒,感覺上好似大哥哥同小妹妹),好多時候佢傾電話都好神秘,所以佢會飛去voice
mail。我成日都覺得佢當我只不過係一個游(遊)樂場(可以樂觀D諗或者佢當我係細路女),講真,我從未問過我朋友佢係一個點的人,對佢的所有事我完全係唔清楚的,佢講幾多我就聽幾多。

佢同我一齊的時候真係對我好好,好take care我,但係一個月加埋都見唔到四次,果種感覺好唔舒服。

我問佢,我係你邊個,佢話︰我係佢女朋友,仲成日叫我唔好諗咁多野,正一傻妹。其實佢係咪悶而又遇到我,見我又無乜所謂,所以穩(找)我解悶呢?依你睇佢係咪應該有第二個?咁佢到底當我係咩人?佢有無鐘(鍾)意過我,定還是當我只不過係小妹妹?

我好希望你能夠幫我解答,我真係好煩,我惊(驚)我會愈踩愈深。多謝你!


Lily



Dear Lily︰

你該主動向他提出一些節目,譬如,你主動要求他陪你看哪齣戲,又或是,陪你做任何你想與他一起做的事。

他有其他女人一點不出奇,而我的態度是,做其中一個女朋友,也要有地位,不只是他想見你就見,你想見他時你也要提出。

他的心態你不用去猜,免得鑽牛角尖,你只要對他強硬一點,事情還是有轉機的。不要讓他以為,是他食硬你。

深雪覆