女友與她的朋友 – 覆無人

深雪︰

每次睇到我女朋友同d唔熟或剛識的男仔影相時,我都很不快,果d男仔可以好隨意撘(搭)住我女朋友的膊頭、腰、頸,而我女朋友呢,則依住果男仔,「Q」埋手,好似佢係男朋友咁,差不多要同個個男仔影埋相先至安落。我又唔見佢會同女仔咁影咁多相喎。

我覺得熟左好耐而咁樣影相可接受,

但果d男仔,又唔知佢咩為人,一開始就咁close,我覺得很不安心,我也講不出我內心的感受,一見到果d相我就很unhappy。我唔知可以話我女朋友係個隨便的人定係我有問題,我也不知道。

我覺得佢對自己一d保留都無,無乜警覺性,我同佢講唔好再同d陌生或剛識既男仔咁close,佢話try
her best喎……

我覺得如果佢係尊重我的話,同男仔相處會有所避忌,我都一樣,同佢拍了拖,也不會同其他女仔玩得好close。

你有咩意見?


無人



Dear 無人︰

你的女朋友是喜歡一種只有異性才能供給的親密感,因此,她對異性沒有戒心。

而從她的角度,只要她沒與他們進一步,她就完全對得住你。

你的不歡我可以理解,但我相信她有她的底線。一天她未超越,她依然問心無愧。

看來,她仍然會長久如此下去。你忍不到,唯有大家吵架一輪,然後再看看要不要分手。

深雪覆

advertisement
Something is wrong.
Instagram token error.