他於ICQ約會我 – 覆傷心人

深雪︰

我同我男朋友拍了五年拖,一直都以為佢對我一心一意,誰知我幾個星期前用陌生女仔(a)的身份去add佢icq,佢雖然坦白話佢有女朋友,但係一直以來都成日對a
講話好悶,因為我成日同佢一齊,所以我用a的身份同佢send的都係offline msg,上個星期佢竟然約a出街,問a卡拉OK、bar同disco邊樣有興趣,但係佢同我一齊的時候係好少出街,多數都係睇下VCD咁,我話去卡拉OK又話唔想唱,但係又成日同佢的朋友唱,我自己都未去過disco呀,佢竟然約其他女仔去。


我用a的身份send番offline msg比佢,問佢咁樣約陌生女仔出街,唔會覺得對佢女朋友唔好嗎,佢竟然話悶就係悶,悶就要搵野做,仲話成日都約newsgroup的人出來講車經(因為佢鍾意玩車),亦都試過這樣於icq約其他女仔出來食飯唱K,最令我傷心的就係,佢竟然話佢自己一日未結婚,係唔會介意同其他女仔出街咁話,我依家真係唔知點好,我用a的身份問佢會唔會覺得對佢女朋友唔住,同埋問佢如果佢女朋友都係咁,佢會覺得點,但係其實我真係唔敢再面對,我好似一層一層咁睇緊佢真面目咁,請問你係我你會點做呢?


傷心人


 



Dear傷心人︰

如果我是你,我會好直接地以a的身份問他︰「你還仍然愛你的女朋友嗎?」

繼而,我還會有很多問題想問︰「你究竟喜歡甚麼女人?」、「你打算一世人也秘密地與其他異性約會嗎?」

他一日不與你分手,就即是樂意保住你這個正印女友的位置。只是,他這一種男人,又會不斷約其他女人以保持新鮮感。就算他已把dream girl追到手,他亦一樣會間中偷食,有些男人,會對身邊的女人完全失去興趣。

如果你討厭留在這種男人身邊,我勸你不如與他攤牌。不過,你立定了此個決心,才好這樣做。要不然,你騎牛搵馬都是好的。你也不是對他不起嘛。

深雪覆