|
親愛的貽興︰ 你好！我已經混亂了好一陣子，已經唔再知道應該怎樣面對自己。我覺得自己好混亂！我根本不知道自己想要甚麼，好想將所有o野都完結，我知道自己已經好幸福，但係我就不斷糟蹋自己o既生命，我覺得好對唔住自己！ 我覺得自己既生活好一塌糊塗。我好憎我自己。我會好容易俾人撩，同其他男仔好快就會傾得好好。我接受俾好多男人追求，又會願意俾我10 年前o既男友o鍚o左一次同拖手。 我同o左一個自己唔鐘（鍾）意o既男仔去旅行，我明明唔係鐘（鍾）意佢，但係會攬住佢。我其實有一個好鐘（鍾）意o既人，不過，佢已經有愛人，我係第三者！ |
 |
|
|
我唔知可以點做！ 佢話我做o左好多o野破壞緊佢同佢女朋友o既關係，我由始至終都只係佢心入面其中一個女朋友；佢話本來好想同我一生一世，但係我自己做o左好多o野令到佢失望。而家我又呃佢，佢一定覺得我好cheap。 自己o既生活又攪到唔知點，同佢關係又係唔知想點。點解自己會咁討厭？我可以點做？ 我覺得佢連同我做朋友o既機會都可能無，我好亂，好辛苦，真係好想搵返一條出路。 亂七八糟 亂七八糟 ︰ 請問你是鬼上身，還是揩到污糟?？為什麼你會一直重覆說「我好亂，好辛苦」？ 定還是，你自己就係果D污糟?？ 如果你年齡在十八歲以下，你不停喊說我好亂我好辛苦我唔知自己想點我都唔想架，我不會怪你，因為你還年輕，而且，迷惘和唔知自己想點的確是少年人的專長。然而要是你已經超過廿歲，卻仍然一再重覆上述鬼上身對白為自己的放浪行為推卸責任，那就是扮慘扮可憐扮白痴，這就是不可原諒的表現了。 這種伎倆，也許在某些男人身上會湊效，能夠順利博同情，但抱歉，對我並沒有效用。 知道嗎？過了一定年紀還扮可憐，那就不是扮，而是真正可憐了。 我討厭虛假的正能量，也相信一個人會壞事做錯事都有千百個藉口，然而我很想告訴你，不要說自己無路行所以才把事情搞成這樣。不，路一直都在，只視乎你願不願意改變，有沒有勇氣選擇另一條路而已。 為什麼你喜歡的人不珍惜你，是因為你自己也沒有好好珍惜你自己。為什麼人人都可以在你身上佔到便宜，因為你同時也在利用別人對你的垂涎享受被重視被需要的良好感覺。當你在利用別人的時候，就不要抱怨太多，又要矜貴，又要搵老細，做人，還是安份一點比較好。 一切不過是選擇。你享受被人擁簇，就得有心理準備真愛離你很遠。你要獲得專一而深刻的愛情，當然要熬過等待的寂寞與苦悶。世上每個人都是這樣過日子的。不然呢？你一從良就給你立即等到好男人，即刻好幸福啊？你以為世上真的沒有天理循環和報應的啊？ 如果我是你，趁現在還來得及，早點清醒吧。要不豁出去，要不改邪歸正，做人做著你這種，最矛盾，最痛苦，也最笨。 人必先自愛然後人愛之。 祝 愛己如人
|
