貽興︰
有個追男仔的問題想請教您。
有個同事在2月中調到我那team，還要坐在我前面，所以經常傾計，他大我一年，冇女朋友（係我同事問佢，佢大大聲係我地面前答冇），談話中發現大家性格，背景和價值觀都好相似，我亦好欣賞佢，我話鍾意行山滑雪旅行佢都話有興趣，仲會同我講屋企o野、情緒（例如有時好大壓力，想大叫想喊）。
我一直都覺得大家係好夾o既同事，仲可以做friend添。發生咗3件事令我發現佢好似對我有意，我自己都好鍾意佢。
1. 佢病假o個日打我手提問公司o野
2. 佢同我講佢係乙型肝炎帶菌者
3. 有日lunch佢問我係咪要睇電器（佢自己都要睇），之後同我兩個人食飯同去睇。
我地放工之後冇聯絡，同事又冇活動攪。
之後我借口叫佢帶我去佢住o個區睇樓，2個人行o左一個晏晝同食糖水，收工又借D意同佢行電器鋪，星期六長週下晝又借D意問佢响邊，星期日仲打俾佢問佢有冇興趣Easter去旅行（之前我話去旅行佢話有興趣），我覺得自己已經好主動，但係佢好似冷淡o左D，返工期間仲少o左傾計。
我自己都冷靜番，諗下自己可能太急，諗住做番正常o既自已（平時都對佢幾好），慢慢o黎，但係我真係覺得佢好好，我自己都好耐冇鍾意過人，我唔想錯失呢個好幾（機）會，成日好想表白，但係又唔想咁直接，點樣可以知道佢o既心意？
佢日日坐係我前面，真係好囉囉攣！
謝謝！
小汶
小汶︰
你已經很主動了，其實。
你的招數都很不錯，找來各種藉口製造兩人獨處機會，如果對方真的對你有意思，就自然會打蛇隨棍上，不必你費神。
但是他沒有，對不對？
也許是因為起初他對你有點好感，但後來遇上更好的，又或者，相處過後才發覺你其實不如他所想那樣，或者是因為你太主動太心急，又或者是你跟他一起時有意無意流露的態度與性格讓他發覺你不是他那杯茶，所以就對你漸漸冷淡疏遠，打退堂鼓。
這種事情，非常普遍。你見工也要second in甚至見幾次才能得到這份工啦，何況愛情？如果第一眼有好感就要拍拖要結婚，死得啦，婚姻註冊署迫爆啦一早。
小汶，你都知道，他天天坐在你前面。如果已經有夠尷尬的了，要是你仍然不死心，硬要出擊，生要見人死要見屍，即使明知他對你沒興趣還要問為什麼，死要驗屍得出死因，往後你倆如何繼續一起工作，如何面對對方呢？
你總不成因為一個這樣的人而辭工吧？
話說回來，他究竟對你有沒有意思，其實根據你的三點理由，也不定構成他喜歡你的事實。他病假日打你手提問你，可能因為找不到其他人，可能因為你坐得近，又或者隨手打給一個看來比較善良比較熱心助人的同事，僅此而已。而告訴你他有乙肝，跟他對你有意思如何扯得上關係呢？如果他跟你和盤托出自己身世與成長秘密，這點或許會更接近吧。
多少在外邊四圍亂溝女博女仔同情的，還四處跟人家說他有血友病呢。乙肝算什麼？
我知道你很久沒有戀愛，但也不要太猴急，或者看到黑影就開槍。朋友的好感跟戀人的好感有時候未必一樣，而有好感也不一定要開始，更何況，好感多麼普遍，他同時對多少女生有好感，你又知不知道？
小汶，你太著緊太在意愛情了，不要整天以為人家對你有意思，你會少點煩惱，而大方輕鬆的你，也許在男生眼中，還更吸引。
祝 瀟灑小姐
貽興
