當大家都討論會梗新iPhone幾時推出，聽聞iOS 11就嚟有得更新啦！今次新功能多多，一齊嚟睇下有邊五大功能啦～
- 擷圖編輯
在 iOS 11 裝置擷圖，螢幕左下角會出現一個螢幕截圖的縮圖，撥左會自動儲存，點擊截圖，就能進入擷圖編輯介面。擷圖編輯介面仲提供圖像處理工具，包括 3 種筆和擦膠，亦都支援加入文字方塊、簽名以及放大鏡，等你可以喺在擷圖上作標記，完成之後按「完成」儲存，或按左下角的分享按鈕就可以分享擷圖俾朋友。
2. 全新App Store介面
唔同iOS 10，iOS 11 App Store標籤頁的五個項目變成「Today、Games、Apps、Updates、Search」，精選項目分別變成了 Games 和 Apps 分開陳列，新增的 Today 加入了更多編輯同媒體的功能，而當打開App Store的前三個頁面（Today、Games、Apps）時，就可以睇到經過App Store編輯所篩選過的推薦項目。
- 強化版Siri
升級後的Siri ，用戶可以利用文字輸入直接對 Siri 下指令，避免 Siri 在人多吵雜的地方辨識唔到用戶的聲音導致執行錯誤命令。iOS 11 版本的Siri亦都會具備支援語音翻譯功能，除咗英文，仲支援法語、德語、義大利語、西班牙語以及中文等多種語言，以後去旅行就方便好多！
4. 圖示更新
iOS 11 版本重新設計通訊錄、提醒事項和備忘錄的圖示，同時螢幕頂部的WiFi圖示線條都會唔同咗，轉場動畫同解鎖動畫都會變得更流暢，大家遟啲更新咗可以留意下呢啲小變化～
5. 新版控制中心
iOS 11 採用咗全新設計的控制中心，將所有功能集中喺同一個介面，例如以後要控制音樂播放，就不用翻到下一頁，只需要以 3D Touch 方法，用壓力輕按音樂控制一欄，就可以展示出音樂播放介面，要播放、停止播放音樂，又或者跳到前一首或下一首音樂；可以在同一頁面開關各種無線功能、控制音量、開啟電筒等，方便好多！
至於推出日期方面，Apple就話將會在年底正式供公眾升級使用，唔知會唔會同以往一樣，同新iPhone一齊推出呢？用梗iPhone5嘅朋友留意，今次iOS 1唔喺升級列表之內，所以要用新功能嘅話唯有轉機喇～
