advertisement

「茶餐廳」是不少港人放lunch的飯堂,又快款式選擇又多,但一不小心很容易就會掉入茶餐廳的致肥陷阱,今日認可營養師謝施敏就同大家分享「茶餐廳」飲食選擇小貼士,讓大家避開茶餐廳的致肥陷阱!

茶餐廳高危食物大公開

乾炒牛河、枝竹火腩飯、雞扒XO醬炒公仔麵等都是高脂肪嘅陷阱,一般一碟炒粉麵飯大概要用上10茶匙油炒,就已經超過成年人每天總脂肪攝取量(大約6至7茶匙油),還未計算食材中或經油炸烹調的脂肪含量。炒飯底轉為白飯可大大減低脂肪攝取量,建議盡量揀比較少芡汁的選擇或湯粉麵,相對比較健康。

多款「茶餐廳」茶餐中,最多人鍾意食的餐肉煎蛋公仔麵同沙嗲牛肉麵的卡路里含量都比較高,以前者為例,卡路里高達750kcal,大概等如兩碗半白飯的熱量。雞蛋的熱量本身不高,但是煎蛋時會加入大量油分,而且午餐肉是加工肉類,一塊大約有144kcal及5克飽和脂肪,長期食用亦會增加膽固醇及致肥嘅風險。

建議可以將公仔麵改為米粉、通粉、米線或意粉等麵類減低熱量攝取,而配料方面則可選擇鮮牛肉、豬潤、雞絲等肉類,整體脂肪含量較加工肉類或用很多油煎的肉類(例如:煎豬扒、炸雞翼、吉列魚柳等)為低。

茶餐廳5大輕盈之選

1/鮮牛肉通粉,牛肉含豐富鐵質及蛋白質,留意不要選擇肥牛。

2/魚蛋米粉,雖是低卡選擇,但蛋白質偏低,建議一星期最多吃一次。

3/海南雞飯,將油飯轉白飯,不連雞皮食更可大大減低脂肪攝取量。

4/冬瓜鮮蝦湯飯,冬瓜含膳食纖維,蝦低脂含豐富蛋白質,但需留意湯底的鈉含量高,盡量避免飲太多的湯水。

5/菜遠牛肉飯,營養比較均衡,盡量不要撈汁食飯便可。

飲品和例湯是隱藏陷阱

最後就是飲品和例湯,識揀健康主食都要小心飲品和例湯,否則都會好易肥!一杯紅豆冰大約266kcal、凍朱古力大約195kcal、凍奶茶大約148kcal,這些飲品多糖又多脂肪!想冇咁易肥可以多選擇凍檸茶或凍檸水少甜,能走甜當然就更好!

例湯方面,鈉含量高,單單一碗湯水的鹽分已經接近一半的攝取上限,(一般成年人每日鈉質攝取上限為2,000毫克),容易造成水腫的問題,長期攝取過高鈉質,會增加患上高血壓的風險。中式例湯多以豬骨或雞腳熬製而成,隱藏脂肪非常高;西湯可能會加入忌廉、牛油等高脂成份,餐湯都是少飲為妙!