advertisement

雖然近年愈來愈多人投身炒賣比特幣、加密貨幣獲利,不過同時亦都有很多關於加密貨幣買賣的負面新聞,加上加密貨幣交易本來涉及不少理論知識,導致對這個市場板塊不了解的人都敬而遠之 。原本任職Marketing的90後女生Priscilla反而對於這個行業躍躍欲試,2018年時她開始埋頭苦幹,學習一切有關加密貨幣圈子的知識,毅然與其他同齡的女生走上不同的道路。 不斷努力之下Priscilla除了在投資方面有了不錯的成績,還成立了自己的公司Coiner。後來她更從一個「授魚者」搖身變成 「授漁者」,為自己的事業開創一新道路之餘,更開設「太太教室」為新手開啟加密貨幣圈大門。

 

「大家都係女人所以同聲同氣」

那麼「太太教室」是由什麼時候開始建立起來的呢?Priscilla笑稱最初只是想要一間Studio與朋友敘舊, 後來朋友鼓勵她在WhatsApp群組分享對加密貨幣行業相關的看法和知識,不知不覺就愈來愈多人加入交流。但是接觸到對很多加密貨幣圈有興趣的人後,Priscilla發現原來許多人對加密貨幣的基本知識都是一知半解,「 所以我就開咗『太太教室』,去share自己最基本嘅加密貨幣知識俾佢哋睇」。她表示希望能夠建立一個免費平台,為新手提供一些入門知識,另外也可以為他們「打個底」,預防他們在市場遇到交易陷阱。

當「太太教室」慢慢穩定下來,後期參與的大多數都是OL和家庭主婦,而Priscilla過程中也和她們成為很好的朋友, 比起外面大部分以男士、年輕人為主要對象的講座,「太太教室」更似一個大家庭,Priscilla笑言可能大家都是 女人所以同聲同氣,「可能因為我係女仔,所以大家嚟上堂唔會好大壓力、唔敢問問題。 」

 

 

「最欣賞Cathie Wood夠創新同有膽量 」

萬事起頭難, 普通人有可能一開始就會被「區塊鏈」、「去中心化 」這些抽象的概念嚇跑, Priscilla坦言最初都花了不少時間在書本和網絡慢慢摸索 。比起將Coiner視為加密貨幣交易平台,她更願意把它定位為一個大家交流的空間。她苦笑,一開始有人會上門「踢館」,「曾經有兩個男仔上嚟,不斷問我好多加密貨幣圈IT技術方面嘅問題,但老實講我唔係呢方面嘅專業人士,我比較擅長嘅係點樣睇圖同分析市場。嗰次好深刻,仲被對方當面批評『你都唔係好勁』。我就話係呀,我都想聽你分享,大家交流下就學多樣嘢。」Priscilla認為,加密圈資訊瞬息萬變,在這個圈子裏要不斷學習才是正確的態度,自己要掌握到基本知識和情報,才能將正確的資訊傳達給別人。

她謙道, 「太太教室」裏不同的參加者也是她的老師,這些學習不一定關於加密貨幣,也有股票、海外投資,但就是要一直保持謙虛的態度學習。學習上要謙虛保守, 行動上就需要果斷勇敢,正如Priscilla最欣賞的Ark Investment Management創辦人、又稱「連登契媽」的Cathie Wood,「我好欣賞佢每次投資新嘅項目時都好果敢,例如當年佢投資Tesla時大家都唔睇好,雖然受到極大壓力,但係佢都照做。你要明白有時投資股票,擺咗咁大筆錢落去一年、兩年都見唔到成績,你就會好懷疑自己,但Cathie Wood並唔會。佢令我明白到一個人叻唔叻未必淨係睇結果,創新同膽量都係好重要。 」

 

「我喺加密貨幣圈搵到適合自己嘅工作生態」

有人會以為,加密貨幣投資者都空想著發橫財,只希望一覺醒來張開眼擁有千億身家。但其實最初Priscilla投身加密貨幣圈,是希望找到適合自己的工作,「以前有段時間返Marketing嘅時候好辛苦,做唔到自己鍾意嘅嘢,同埋有時serve客人真係好難實現到自己一啲諗法,俾咗一百個idea客人可能個個都ban。所以做咗幾年我就知自己喺呢份工作得唔到滿足感,亦都唔適合做呢份工。但係我喺加密貨幣圈就搵到適合自己嘅工作生態。」

 

Priscilla說她現在擁有一個夢想,「其實我一直都好想將coffee shop同埋畫廊結合,依家好流行區塊鏈嘅投資畫作,如果我可以將呢三樣嘢group埋一齊,我就覺得係一件好完美嘅事喇,最好喺我呢間coffee shop畫廊裏面可以用加密貨幣支付,我喺香港仲未見到有呢樣嘢。」

Cathie Wood 接受媒體訪問時曾經提及,「朋友們說,他們之所以提醒我會失敗,是因為想保護我,但我根本沒有想過失敗。」而Priscilla也有相同的態度,認為要有堅定的信念,敢於冒險才會成功,「當你去做一樣新嘅野,其實好多反對聲音或者好多人唔支持,覺得你做嘅嘢可能唔會成功,但當你做到一樣嘢係好革新,其他人係喺你後面,你係帶領住佢地去行。」她又表示自己未來將會作出更多的嘗試,包括開設Youtube頻道,希望能夠建立一個更大的平台,為大家提供有關加密貨幣圈的知識,一起進步。大家若想知道更多Coiner的資訊、加密貨幣場外買賣及兌換服務內容,不妨瀏覽官方網站