advertisement

(3)最低工資夠生活嗎?

講完稅後收入,通常下一個問題就係:如果初頭做住最低工資嘅工作,錢夠唔夠使呀?

呢個時候楊媽媽會先笑:「哦!你冇睇參考書!」(>>>介紹番

加拿大移民專欄 (1) 香港人人人都有加拿大親朋戚友?

其實呢個話題喺參考書唔止有討論,仲有埋例子畀大家參考添呢~ 不過都不厭其煩喺度再重溫一次吧:

【支出部分】

(3)最低工資夠生活嗎?
上回也有提及,生活呢啲,睇你點揀啊。如果你一開始就要好似唔知邊個邊個個朋友咁要住華人區三千呎別墅,揸靚車,養番狗,仲日日叫外賣嘅,當然最低工資唔會夠你使喇。

尤其是初頭,啲錢好似倒水咁,見到積蓄不斷咁樣減少,真係幾愁㗎。所以楊媽媽喺參考書整咗個支出表,等大家自己計下每個月支出要幾多。生活嘅嘢,豐儉由人吖,但希望以下呢個表比到大家一個開始計算的起點喇:

(3)最低工資夠生活嗎?

來!自己親手計 > >> 此連結一可下載上面支出計算表

【收入部分】
收入方面,用最壞打算,以下係各省現時每小時嘅最低工資:

(3)最低工資夠生活嗎?

參考:各省的最低工資

以安省為例,最低工資 $14.25  x 每周工作 40 小時 = 每星期 $570 = 每年約 $29,640(約港幣 17 萬 9 千元)。現時來講,兩公婆在這個程度的收入並不用交稅。但兩個都返工 x 2 = $59,280 (約港幣 35 萬 7 千元)情況又不同了,關於稅後收入,你可以睇番上一篇(加拿大移民專欄 (2) 錢的力量)。

然後,將【支出】同【收入】對比,你就可以自行答到你原本的問題了。

當然楊媽媽希望大家站穩陣腳之後,就可以搵到一份收入更好,亦更適合自己嘅工作啦!可以話你知初頭係會好沮喪㗎,不過,記得這個只是一個過程,事情是會更好的 - 第時相信大家唔係要擔心餓親,而係擔心點解個肚腩越嚟越大囉……[笑]

講完錢,下一篇講咩好呢?等楊媽媽返去諗吓先……

 

本文作者:楊媽媽

人稱楊媽媽,兩孩之母,she.com元祖級會員。小學畢業後移民加拿大,落地生根。著作有《隨時入籍.寶寶愛移加》(2019),與香港人分享移民加拿大實用資訊。

 

 

fb @ 隨時入籍。寶寶愛移加
MeWe @ 楊媽媽陪你移民加拿大