網絡世界惡搞事件一向多，日前食環署吉祥物「清潔龍阿德」在Facebook專頁po出一張泳裝少女Aedes albopictus「伊伊」的照片，帖文更寫上「輕輕咬你耳朵，莎朗嘿喲，快看我的調皮視頻！」令人一度以為網頁被黑客入侵，不敢亂click連結視頻。而大膽的人好奇按了連結，才驚訝原來是有關登革熱白紋伊蚊的資訊，大讚專頁admin有創意！
泳裝少女Aedes albopictus「伊伊」實情是白紋伊蚊的學名，帖文介紹伊伊「住在一個草地旁邊」，佢會「輕輕咬你耳朵」，吸引大家點擊的「調皮視頻」正是食環署宣傳登革熱的網頁。帖文吸引網民熱烈討論，連阿德自己都留言問「發生咩事？邊個咁大整蠱？電腦被Hack呀」；食物安全中心亦加入留言tag阿德「係影片唔係視頻啊！」
不過在帖文上載不足18小時，正當網民大讚此宣傳手法時，整個帖文突然消失了！
事隔一陣，阿德澄清唔係佢刪除，話自己「出咗去做街市深層清潔之後，返嚟一碌手機就見到facebook ban咗我個post！」原來是被Facebook以「裸露及色情」為由刪除。佢話「模特兒相著住泳衣，冇理由會俾人report！」仲大呼冤枉話自己「都係想提大家要預防蚊患啫！」
之後阿德再出一個po話「為免令大家誤會或不安，以後出po用乜嘢相，都會加清潔龍AR德IG filter，將張相嘅頭變晒做清潔龍阿德！」
清潔龍阿德出色惡搞實錄
其實「清潔龍阿德」呢個Facebook專頁一向創意多多，過往出過不少帖文都被讚，網民更稱專頁admin為「傑出公關」，總能夠以吸引帖文宣傳食環署的資訊。當中更有不少惡搞帖文，引人發笑，以下盤點阿德過往的出色惡搞實錄，你最有印象係邊個？
阿德今年父親節在facebook專頁上發出惡搞澄清，借《國產凌凌漆》戲中德仔老竇在皇室堡遇刧的劇情惡搞，勁爆笑！
清潔龍阿德變身美少女戰士，靚唔靚先？
專頁最新Profile photo換咗呢張「月野兔青蛙look」！
端午節當日出po表示︰「今日我有好消息宣佈：我正式懷有龍糭啦！」
阿德向《復仇者聯盟》借橋出po表示︰「一個人嘅力量有限，但只要齊心，香港人就有無限動力！」
清潔龍阿德一句「我喺香港執葉」都令人發笑。
今年二月初新型冠狀病毒疫情在港持續擴散，大家都減少外出，適逢情人節當日，阿德在Facebook專頁開直播陪住大家聽歌過節，表示︰「希望同我一起聽歌，會令你好過一點。」
早前任天堂《動物之森》（動物森友會）瘋靡全球，阿德在Facebook專頁上載相片，表示見到不少人正在玩動森，特意分享阿德綠色工人裝的設計序碼，包括針織帽及連帽上衣，讓玩家自行在「我的設計」下載使用。
清潔龍阿德前年玩Trap闖入Clockenflap台上一齊跳舞！
