advertisement

鼠年來到,雲文子師傅以奇門遁甲同大家推算一下2020鼠年三個運勢一般的生肖,包括羊、雞、牛,大家留意有咩可以幫助增強運勢。

 

 

肖羊

屬羊朋友在鼠年害太歲,小人無處不在,而貴人就不知所終,好容易出小人㗎。將會成年都驚驚青青,無晒自信,做事無把握好難成事㗎。 因為運勢不足所以容易破財,如果唔熟悉嘅投資項目就唔好亂試喇。在鼠年的桃花運都唔錯,會接觸到更加多唔同嘅異性,可惜有緣無份,而且要注意因為自己嘅心態都係騎牛搵馬,容易成為感情失敗嘅原因。

 

增運貼士︰大家可以戴一些豬形飾物去化解害太歲,另外著多些綠色或紅色的衫,配戴波浪形飾物或者圖案就可以增旺運勢。

 

代表藝人︰周潤發、胡杏兒、徐子珊

 

 

肖雞

屬雞朋友在鼠年破太歲,由於運氣不足令好事都容易被破壞。凡事有好多掣肘,但係千祈唔好質疑自己的能力,因為工作上面會得到上司的體諒。在中秋之後運勢就會有向好的調整,所以鼠年應該宜守不宜攻。在鼠年桃花運會浮浮沉沉,將會有好多假桃花,意中人對你的態度飄飄忽忽咁,好容易被視為替代品,應該了解清楚先至好開始一段新感情。

 

增運貼士︰大家可以戴龍形飾物去化解破太歲,另外,著多些綠色或白色的衫,配戴一些菱形飾物或者圖案去增旺運勢。

 

代表藝人︰王菲、唐詩詠、袁偉豪

 

 

肖牛

屬牛朋友在鼠年係是非之年,待人處事要小心,好容易被小人在背後講是非,惹來麻煩,甚至成為被攻擊的目標。但係就因為咁代表你更加有價值,應該化是非為原動力,顯示你的實力。在鼠年桃花運將會有好多阻滯,桃花未絕心先死,對愛情失去晒信心,好怕投入咗之後又會失去,感情忽冷忽熱好容易無疾而終。

 

增運貼士︰大家可以著多些白色或啡黃色的衫,配戴一些橢圓形飾物或圖案去增旺運勢。

代表藝人︰劉德華、周秀娜、陳煒