advertisement

踏入農曆七月,據中國傳統的說法,亦即係踏入鬼月的日子,相傳陰間的「好兄弟」會被放出來陽間,無論你是否迷信,呢啲禁忌也要留神,小編就覺得世事無常,寧可信其有,都係小心為上,以下5個禁忌記得盡量不要做啊~

農曆7月禁忌1: 不要拍人肩膀

成日聽長輩話每個人身上都有三把火,分別在頭頂同左右肩膀上,代表住人嘅「陽氣」,可以保護我哋避免好兄弟接近,如果拍別人肩膀,可能會將肩膀上的火拍熄,引鬼魂上身,所以記得唔好亂拍啊!

農曆7月禁忌2: 夜晚唔好著紅色衫出門

紅色喺陰間代表「見血」,所以夜晚盡量避免着紅色衫出門,特別係會化妝嘅女仔,盡量唔好搽大紅色嘅唇膏,唔係嘅話會好容易俾好兄弟睇中!

農曆7月禁忌3: 出遊盡量唔好玩水

鬼月最好避免去危險的海邊或溪邊,因為傳說水鬼會喺呢啲地方搵人做替死鬼,等自己可以投胎,所以依家雖然正值夏天,今個月就避免去危險的水域玩喇~特別係夜晚呢。

農曆7月禁忌4: 晚上唔好吹口哨

聽講口哨的頻率同靈界一致,如果你喺晚上吹口哨,好兄弟會以為你在呼喚梗佢哋,引嚟佢哋嘅注意,所以記得注意喇~

農曆7月禁忌5: 唔好披頭散髮

女仔出門要注意,最好將頭髮綁起,披頭散髮出遊容易被好兄弟當成係「同類」……

農曆7月禁忌6: 唔好搭尾班車

最後一班車除了少人,午夜時分亦是陰氣最重。有傳聞說尾班車其實不是用來載人,而是接載靈體,如果一定要搭的話,就最好避免頭尾卡。

 

農曆7月禁忌7: 忌穿露膊衫

傳聞農曆7月有很多色鬼在街上流連,衣著性感的女性會成為「他們」的目標,意圖拍她們的肩膊吸取精氣。不想成為鬼魂的目標的話,就要避穿時下流行的露肩裝了。