#不要膠下去 宣傳活動於早前正式展開 (伸延閱讀:良心消費 #不要膠下去),將5月30日定為 無膠日,並請來60位關注環保問題的名人及藝人,一同呼籲鼓勵市民坐言起身,在生活習慣中減少甚至不用即棄塑膠用品 。

部份參予拍攝宣傳照的藝人,更籍此分享他們的「減膠」貼士,籍得大家仿效!

 

不要膠下去 Enough Plastic 周柏豪

#周柏豪     周柏豪 Pakho Chau  「 花,用返葉包重靚過用膠包啦!」

通常收花後都會轉放於花瓶,如能在包裝上儘量少用塑膠薄膜,便可大大減少浪費了。

 

不要膠下去 Enough Plastic 周國賢

#周國賢 周國賢 Endy Chow jaugwokyin  「唔係下下要用保鮮紙嘅!用有蓋嘅玻璃盒裝食物,咪唔駛用保鮮紙囉!」

其實除了轉用鋁製/陶瓷保鮮盒外,亦可考慮轉用可重覆使用的蜜蠟保鮮布呢!

 

不要膠下去 Enough Plastic 葉德嫻

#葉德嫻 精明既消費者,究竟邊度可以買到唔用膠袋獨立包裝嘅厠紙?定係生產厠紙嘅公司,可以幫幫手改改包裝呢? 想保護環境,不如由減少使用一次性塑膠開始!

Deanie姐呼籲產品生產商開發「少膠」及「無膠」包裝,實行源頭減廢。

 

不要膠下去 Enough Plastic 胡定欣

#胡定欣 胡定欣 Nancy Wu 「食乳鴿唔駛用膠手套啦,用手咪仲滋味!不過食之前記得要洗手呀!」

無論食乳鴿還是炸雞,只要進食前後都認真洗手,就可以為「減膠」出一分力了。

 

不要膠下去 Enough Plastic 雪兒

#雪兒 「顧客嘅力量係好強大㗎!用你既錢去投票,例如下次買蛋時,記得揀紙盒裝,唔好買用膠裝果啲呀!」

用購買行為支持肯為環境著想的生產商,減少製造塑膠垃圾。

 

不要膠下去 Enough Plastic 任賢齊

#任賢齊 任賢齊 Richie Jen 「唔想把遮整到周圍濕曬?都唔一定要用膠遮套嘅,用可重用遮袋都得㗎! 」

近排經常落雨,膠遮套用量大增!用縮骨遮的話,不妨自備膠袋或毛巾質地遮袋,而且多用商場的雨傘風乾機。

 

不要膠下去 Enough Plastic 梁詠琪

#梁詠琪 梁詠琪 Gigi Leung Wing Kei 「摺得埋嘅食物盒咁方便,平時放響手袋,將食唔哂啲嘢打包,唔駛再用外賣膠盒啦!」

自備杯和食物盒絕對是良好生活習慣,如果預計一定會打包剩餘食物,就記得多帶一個環保袋喇!

 

不要膠下去 Enough Plastic 吳君如

#吳君如 吳君如 Sandra Ng 「飲嘢唔駛用飲管嘅,用嘴先係最自然嘅飲嘢方式!下次叫嘢飲,記得加句走飲管丫唔該!」

已經有不少人開始習慣走飲管,大家要堅持下去!

 

不要膠下去 Enough Plastic 宣萱

#宣萱 Jessica 宣萱 「出門必備嘅係鎖匙、銀包、電話,仲有水樽呀!」

膠樽飲品的確是非常嚴重的問題,夏天自備清水,冷泡茶,儘量減少購買膠樽飲品吧!

 

不要膠下去 Enough Plastic 文詠珊

#JaniceMan Janice Man 文詠珊 「知唔知道好多個人護理用品,例如牙膏、磨砂洗面奶等等,都含有塑膠微珠,用完最後都會流入海,會影響生態㗎!我哋要做精明嘅消費者,買之前記得睇清楚啦! 」

市面上有很多用天然植物研磨成份,或是海鹽,咖啡渣製成的磨砂產品,愛美女士要留意不要購買嚴重影響海洋生態的微膠珠磨砂產品啊!

advertisement