有無試過口痕好想食KFC炸雞,邪惡一下,但一想起炸雞嘅卡路厘同肚子條車呔,然後feel下個喉嚨,又好似有少少痛,呢種想食又唔食得,仲更加想食嘅狀況,終於有解決辦法!因為KFC竟然推出炸雞味香氛蠟燭,就算食唔到,以後都可以聞雞味止渴,但係,齋聽已經覺得好肚餓,真係可以止渴?
果然好記性,早在2016年新西蘭KFC都曾經推出過炸雞香味蠟燭!
另外,仲唔止炸雞一味,還有雙層炸雞堡香味蠟燭,同香水一樣有層次,前調係炸雞味,中調係煙肉焦香,後調係炸雞迴香。
可能你會很好奇,到底咩人會買KFC呢個炸雞味香氛蠟燭嚟用,引人食炸雞咁邪惡?大家唔好以為係惡作劇,因為呢款炸雞味香氛蠟燭其實係由英國和愛爾蘭的KFC地區限定推出,對英國家庭而言,濃郁的雞味就好似過緊節咁,因為英國人傳統習慣在節日一起吃炸雞慶祝,所以KFC炸雞味香氛蠟燭實質上係非常應節!
KFC好貼心,為了令大家聞咗當食咗,仲專登推出可以配炸雞味香氛蠟燭的滾油炸雞聲作為伴奏,開場白把聲,仲有D似蕭叔叔把聲咁好聽添!
雖然小編未聞過呢款KFC炸雞味香氛蠟燭係咩味,不過小編就找到外國有網站小編疑似聞過,指炸雞味香氛蠟燭有種令人難以置信的肉汁香味,與KFC店內散發的味道相似。
想要不是沒辦法,KFC呢款全球限量得230個的炸雞味香氛蠟燭,想要可以試下登入英國和愛爾蘭的KFC網站購買。
香港在KFC 30週年時出過原味雞味和香辣脆雞兩種可以食的指甲油。
另外,也有出過炸雞防曬霜!
日本KFC曾推出過炸雞香味的沐浴炸彈,仲整到雞脾形狀,好搞笑!