盂蘭節就到!香港四大鐵路都市傳說你聽過未?

孟蘭節 鐵路 香港都市傳說

今個星期六就係,有啲咩禁忌相信大家最近都聽唔少,小編就同大家應下節,講下有關香港嘅,以下呢四個無獨有偶,都同鐵路有關,極具本土色彩,唔知大家聽過未呢?

一:九廣鐵路鬧鬼廣告

喺1993年,九廣鐵路推出一個幾位小朋友搭住膊頭、看似氣氛歡樂嘅廣告,去到廣告尾段,忽然多咗一個面無血色的女孩,嘴角疑似有血絲,隨後鬧鬼傳言越演越烈,有傳呢班小朋友拍完呢輯廣告後離奇死亡,到最後九廣鐵路不得不抽起呢輯廣告。雖然事後有人查證並非事實,只係剪接效果,但睇到呢個廣告嘅氣氛同背景音樂都異常詭異,再睇返都有啲心寒!

孟蘭節 鐵路 香港都市傳說 九廣鐵路鬧鬼廣告

二:油麻地「少女」跳軌

事件發生喺1981年某日下午,一名地鐵司機架駛著一列由中環開出嘅列車,駛達油麻地站時,突然一名少女從月台跳落路軌,司機見到立即煞掣,並且通知月台職員報警,但消防員到場後,搵遍成條路軌,都發現唔到任何死傷者,甚至連丁點血跡都冇,當年亦有報章報導呢單奇案。據說當時列車司機感覺到車頭嘅車輪輾過一個人, 去到今日,都仲未有人解釋到發生咩事⋯⋯

孟蘭節 鐵路 香港都市傳說 油麻地「少女」跳軌

三:彩虹站鐵軌通往鬼門關

喺最初興建港鐵彩虹站中時,原本一共有三條路軌,傳聞喺興建期間,無意中開通咗前往鬼門關之門,因為咁,列車常常會發生意外事故,亦有職員曾經死亡,最後只好關閉,只用兩條鐵路通車。及後,有人解釋,中間嘅鐵路晚上係讓列車需要維修或回廠時使用,是真是假真係無人得知,至今仍然為彩虹站添上一份神秘色彩。

孟蘭節 鐵路 香港都市傳說 彩虹站鐵軌通往鬼門關

四:中大辮子姑娘

據說多年前,有位紮辮子嘅姑娘偷渡來港,喺中文大學附近跳車時,因辮子過長被鐵路上纏絆著,掙脫不開了,頭髮連頭皮被硬生生地扯開慘死。後來傳說呢位辮子姑娘,依然喺中文大學附近到處徘徊,有時候仲會出現,問經過嘅學生依家幾點,當辮子姑娘轉身時,會發現佢嘅正面只有一條辮子⋯⋯今時今日,該段路被叫作「一條辮路」。

孟蘭節 鐵路 香港都市傳說

圖片來源:ViuTV

advertisement
Something is wrong.
Instagram token error.