暴雨警告 黃雨 紅雨 黑雨 天文台

近呢幾個星期幾乎都係落雨,更甚係成條街都水浸,點知天文台都只係掛個黃雨,令唔少網民質疑係咪天文台「玩嘢」,返工時間點都唔會掛紅雨或黑雨,每次都以「局部地區性驟雨」作理由推搪,無視市民安危,冒住大風大雨都要返工。真相係點,小編就同大家一齊睇下天文台所訂立嘅暴雨警告系統,係咪真係合乎事實?

暴雨警告 黃雨 紅雨 黑雨 天文台

「暴雨警告信號」發放準則

「黃色暴雨警告信號」表示香港廣泛地區已錄得或預料會有每小時雨量超過30毫米的大雨,且雨勢可能持續;「紅色暴雨警告信號」表示香港廣泛地區已錄得或預料會有每小時雨量超過50毫米的大雨,且雨勢可能持續;「黑色暴雨警告信號」表示香港廣泛地區已錄得或預料會有每小時雨量超過70毫米的豪雨,且雨勢可能持續。系統睇落相當合理,但原來呢個系統對上一次更新已經係1998年!即係已經20年冇更新過~

暴雨警告 黃雨 紅雨 黑雨 天文台

原來仲有「綠色暴雨警告信號」?

原來香港早期嘅暴雨警告唔單止得黃紅黑,仲有綠色!喺1992年,暴雨警告系分綠色、黃色、紅色及黑色四個級別。第一階段嘅綠色、黃色暴雨警告只帶有預報成份,僅向政府部門及、公共服務機構發出;而第二階段嘅紅色、黑色暴雨警告,就會根據香港實際錄得嘅雨量而發出,並向市民公開發布。

暴雨警告 黃雨 紅雨 黑雨 天文台

「綠色暴雨警告信號」取消了嗎?

天文台就話,其實並冇取消咗綠色暴雨警告,因為當年綠色及黃色暴雨警告都未曾公開,直至1998年,先加入會對外公布的黃色暴雨警告,所以綠色暴雨警告對市民嚟講,一直都冇存在過。

 

advertisement